• September 23rd, 2018
Login / Register

Tjitendero Masuvisiwa Pe Tjo Rozombangane


I Kae Matundu OTJOMUISE- Ngwari Omu-haamise wOvihavero mOm-bongarero yOtjiwana, Onongo MosÃÆ'Æ'Æ'ÃÆ''šÃ‚© Penaani Tjitendero, mapakwa pEtjo rOzom-bangane pendje na Tjomuise Orovyungura ndimariyende. Ngunnda aperi nao Omuhona wa Vitoto, Vipuira Kapuuo, wina nguri owo tjikutu, watjivisire mu Keetute erero kutja Orovyngura indi ondjuwo yetando otji mai-paturuka mo Komakwara mo Vitoto. Oritjatatu rotjiveke tjima tjiyende tjiyeri yetatu ku Kambundu, omuyaruke Tjitendero otjima kayata mo-muvanda wao mo Koma-kwara. Tjazumbo Oritjaine otjikutu a tjimuyandja mo-make wo horomende. Oritja-tano tjiyeri yetano ku Kam-bundu pena ondjozikiro oseinina potjikunino tjOnd-juwo yozoveta omuyaruke pu-mara nazu Orovyungura oku-yenda kEtjo rOzombangane. Onongo Tjitendero watire Oritjatatu omuhuka omunene motjipangero tjo Katorika mu-no. Wari nozombura o 63. On-diro ya Tjitendero ndja han-duzire ehi ya yayakurirwe mo-zosaneno peke peke mumuna ozondangu nozombinika zo-ruhoze. Mu mbayandjere on-dangu mwari Ombara yOva-herero, Kuaima Riruako; etambo, omeho nomatui wot-jiwana, Katuutire Kaura na-wina Onongo Kaire Mbuende nOmutengwa Ngeseuako Kat-jiuongua. Avehe imba va-kaenda ozondambo ozongoto nomuyaruke potuveze na mo vinenge peke peke. Kuwo yari ongahukiro kutja Tjindero wari ongutirwa. Epende wari ependa, ozondunge wari nazo. Ondengero wari nayo noku-hina okutara komainya wo-mundu. Ovahenendu imba va-hanikire motjina tjimwe uriri. Pari mbatjere peta mbande apeyaruka mbande. Pari mba-munine kutja Tjitendero wari Kaupasaneua nu kapena omundu ngume muyarukire mo zondambo ze otja Penaani Tjitendero. Presidenda Hifikepunye Pohamba, ngwari omundu omutenga okutjivisa ondiro ya Tjitendero kotjiveta, wemu tuuirapere nai: "Wasuverere ehi re, omurwire wohange, ondjesirasaneno no mun-yomone wondunge ya Nami-bia otjehi Rimwe rOtjiwana Tjimwe." Mondangu ye mo ngo-ramambo indji o New Era Oritjaine, epenga re ekuri no kanepo kOmbongarero yo Tji-wana, Hidipo Hamutenya, watjangere nai: "Imba mbaun-gura punaye ape oure wozom-bura o 50 nave kara punaye mo mbepo na mo vitjitua nganduu kondjandero yo mwinyo we, kanaa vezembi nganduu kongaa ruhe o merisu-suparisiro we we ko mutima, owatjiri we nondikameno ye nandarire mondjuriro." "Orupa rumwe rwandje rwai puna MosÃÆ'Æ'Æ'ÃÆ''šÃ‚© ndinondi nu nandarire kutja mbari a mbatjivisiwa kutja keri nawa, me ihamwa omutima kutja hina mbamwine oruveze okuhungira kunaye oru-seinina," Omuhaamise wo Vivaherero vyOmbongarero yOtjiwana, Theo-Ben Gurirab, watjere. Tjitendero wa kwaterwa mOkahandja tjiyari 25 ku Tjikukutu mo 1943 no skole wahita mOnguviki motjihuro iho. Mo 1963 warambwa mOn-guviki tjeya ko Tjomuise ko mbongarero yopolotika. Mo 1963 nozombura o 20 ahene nu tjavaza mo Dar es Salaam mo Tanzania, oma-yuva ingo ndaa ritjiukwa otjo Tanganyika, azikwa otjo mukuramene po wovan-hongwa vo Swapo nu wina aire omwiisane wo ratio yongutukiro. Okuza mo 1981 otja rira okanepo korutu ro mondivitivi rwo Swapo nu wina wari okanepo korutu orukaendise rovyungura vyeyuva rwayo.
2006-04-28 00:00:00 12 years ago
Share on social media

Be the first to post a comment...