• November 13th, 2018
Login / Register

Ndokotora gokusinga umbondo gomoOtjiwarongo kakamonekere kompanguro


Selma Ikela /Maria Amakali Venduka Mutungimo ndokotora gouhaku ogu yina tamba asi kwamufaneka age kuna kusinga umbondo monzira vana kutumbura asi B1 sinkwa ntani, age kapi kavamupulisilire asi alifutiremo mompanguro ezi kazikereko moVenduka omu kakamonekere moutano una puko, muna hamene erapoto kuhamena edipago kutunda momvhura 2015. Yeukai Chiradza, gonomvhura 40, kwakara nonombapira domarapoto omu gakara asi age kuncenununa ezigido kompanguro kosihorokwa esi sakere asi sehudi lyehauto eyi yatwarederere dogoro vantu vatatu vafe mehudi lyangesi. Moutano, age kayamonekere kompanguro moVenduka omu kavamupere asi monovili 48 gahepa kumoneka. Age ngesi mosikondovike gahepa kumutwara nehauto koKaribib oku vana kumundindira aka moneke kompanguro zomomukunda gwina. Chiradza kakamonekere mwene kovaporosi kumwe nomuhahende gwendi. Kuyipakerera, age kusinga umbondo ndi makurusingilira ntani kusinga kurumbasana novaporosi monzira zokuza koOtjiwarongo, gontundiliro zaZimbabwe, kavamumwene age kuna kusinga gaza omu gazamu ano nani vamwe kuna kumufaneka omu ana kusinga age gahana kudivako Yuma. Mupanguli gomoVenduka Mwilima Mwilima, kageve etokoro asi mafano gendi nagenye nonongendeseso nadinye vahepa kudigava komberewa zahamutjanga ogu gakarerapo mberewa zoyipangura moKaribib. Konyima tupu efano eli kavalikidire omu ana kusinga, Chiradza, kavamupere nye ehagekeso yirugana eyi kayitundire kwahamutjanga gokukwateramo goministeli zoukanguki Petronella Masabane, omu kava muhagekesere dogoro komeho oko.  Chiradza simpe kavamupere etokoro asi gahahwilira nkenye evango lyepangero lyouhaku lyepangero ntani gahahakura nkenye muveli nampili gogu ana kuvera uvera ou galirongera.
New Era Reporter
2018-03-22 09:15:09 7 months ago

Be the first to post a comment...