• October 19th, 2018
Login / Register

NHE ikambusa kwa likakalezo zakulekwa kweta


Albertina Nakale Windhoek – Katengo kakabona zakuyaha mandu mwanaha kaufela ka NHE kalatuzi likakalezo zakuli babañwi bababeleki bakona nebalilimanisizwe famusebezi, kanako yeo babeleki ba katengo katolopo ya Katima Mulilo haba lilimaniswa hala likakalezo zakulekwa kweta. Taba yeo itaha kasamulaho alikande lene lihatisizwe mwa New Era, kuli Katengo Katolopo ya Katima Mulilo kalilimanisize babeleki babalalu famusebezi kakalezo yakuli neba ezize mafosisa kakulekwa kweta, mi neba amuhezi masheleñi amwahala N$10,000 ni N$20,000, kasamulaho wakusepisa bane babalifile mali kuli baka beiwa fahalimu amukoloko wababa libelezi kuleka mandu. Muzamaisi wa katengo ka NHE Gisbertus Mukulu nabile nimanzwi akubulela, kualabela falikande laviki yefelile, “mi naize hakuna yana lilimanisizwe famusebezi kamabaka akulekwa kweta hala mandu kapa zeñwi cwalo.” Mukulu naize NHE nefilwe taelo yakuli ife mandu kakulatelela mukoloko one ufilwe kikatengo katolopo. Muyemeli ni Muzamaisi watolopo bana nikunyatela mukoloko wo pili usikafiwa kuba NHE. “Kikwabutokwa kulemuha kuli taelo yezwelela kulikwambuyu nelatelezwi kiba NHE, kusina kushutanisa mwakufa mandu ane asina batu mwalitolopo kaufela, kungelela ni Katima Mulilo,” nekubulezi Mukulu. Muyemeli watolopo ya Katima Mulilo Georgina Mwiya-Simataa na nitifalize bulengwami bone buezahala kalilimo zeñata, na nitifalize nikulilimaniswa kwababeleki. Naize litaba kaufela nelitile fañandaleza batu bane basepisizwe kufumana mandu habayo bilaela kwakatengo kuli nebasikafumana mandu ane balifezi kweta. “Nihaili taba yaba NHE, babeleki baluna bateñi mwateni kakuli neluswanezi kufa mukoloko wabatu bane bakupa mandu mwatolopo yaluna. Nelufile mukoloko waluna kuba NHE, one unyatezwi kina. Mandu hatofiwa nelukomokile kubona kuli neli babalalu feela bane bafumani mandu kuzwelela kwamukoloko waluna. Kono mandu ana tambekilwe neli a 54,” nekubulezi muyemeli watolopo. Naize nihaike basalibelezi piho kuzwelela kumuzamaisi wakatengo katolopo nakile asebela bakamaiso mwamukopano, kabatu bane baile kwakatengo katolopo kuyo bilaela kuli nebalifile mali kuli babeiwe fahalimu amukoloko.
2018-04-30 09:45:50 5 months ago
Share on social media

Be the first to post a comment...