OTJOMUISE- O NBC yayaruka po rukuao. Oserekaze yarue yaririre otjiuru tjotjiÞo otjinahepero tjinene monganda yomapitisiro korukuiko indji. Ihi matjiyeta otjivarero tjomirari mbina ozoserekaze otjoviuru pozoperesende o 60 kombanda yotjivarero tjitjiÞeki tjo 50-50.
Eye nguakuaterua nokukurira mo Tjauana, weya ko Namibia ape ozombura ine kombunda yongutukiro namana oskole ye moskole yomahongorero wondondo yokombanda o A. Shipena. Nandarire kutja eye wakuatera mokarongo okaÞiÞi mozombokoto za Tjauana, Marina MaÞunÿu kena pakeyakeya okuripura okuya kehi ndahuurirue okuye kupaha ou¿ingandu we motjirongo otjinene otjihengo tjimuna Otjomuise.
Omutima we omupanÿere nombango ye yokurua yemuyandjera kutja matuurungire pokati kekuva notjipendero nu mo 1999 otjakutua otjimuriungure momurari wOtjitjauana mena routue we mOtjitjauana, ndiri eraka eye nderihonga neritjiuwa outue ngunda aeri mOtjauana.
Wayenena okutuurunga moviÞo viomurari wOtjitjauana nu harukuru ahara otjiÞo tjokombanda momurari imbui mouye wovarumendu imbui.
Onganda yOmapitisiro Korukuiko tjiyazikamisa ombuze momaraka omakuatera mo 2000, MaÞunÿu onguari omurese wombuze mOtjitjauana omutenga woserekaze mokati kovaungure pamue naye ovarumendu tjimuna Moshe Baitsiwe, Conrade Serogwe na Pack Molakeng. Otjiuru tjOmurari wOtjitjauana, Bonnie Dineo Mokhatu kaarorere okuhoreka onjune ye tjimazemburuka omayuva MaÞunÿu tjaungura punaye.
“Mezemburuka Marina otjomuyozikua omutanda epatje tjauta pOmurari wOtjitjauana. Wari omurihonge wa tjimanga, aruhe nguari noupupurukue wokurihonga nokupura omapuriro okutjita kutja oviungura mbiapewa mevizuu. Tjaraisirua kutja paparuisa opi, kenaindu wetjikambura otjokumuteturura posia aruhe matja, ‘okunene okuhepa kondunge nombatero’,” Mokhatu matja.
Matja MaÞunÿu ngamba uzerua iyovapuratene wOmurari wOtjitjauana nandarire kutja eye wazapo ape ozombura ine nohinga nÿakapita mena rouzerua we. Tjinene uzerua otjomurese wombuze nomusembamise womapitisiro ngena otji¿a novitjitua viozoserekaze novandu mbehupa nouremane. Marina wazapo pOmurari wOtjitjauana nekerikuta korupa romapitisiro wOngamburiro mo 2009 eye paa pitisa nokunana omapitisiro wongamburiro tjimuna yOiri yOmaumburiro (Gospel Hour) nOmapu wOngamburiro (Religious Issues) mOmurari wOtjiwa¿a. Mo 2010 waya ko India kakamana orutuu rue mOmauongero wOzombuze zOtjiwa¿a. MaÞunÿu eye nai nguri mombura ye oseinina yomahongero wOmauongero wOmbuze nOviungurisiwa viOuye wa Kandinondi vio Mahakaenisiro po Polytechnic ya Namibia, omundu nguasuvera oviungura vie. Ukambura kutja kangamua atjihe mu Mukuru matjiyenenisiwa. “Mukuru wetusera ondaya noviyandjewa peke peke, notjiyandjewa atjihe tjina osaneno yatjo otjini, munao tjituhaungurisire oviyandjewa vietu nawa, katunonÿo¿eno.”
MaÞunÿu wazikua otjotjiuru otjiÞize tjoruveze tjOmurari wOndjivisiro Ombaranga tjiyari yevari ku Ngarano ombura indji nu tjiyari etenga komueze imbui otja yauzirue otjotjiuru tjawo okuura. Matja nandarire kutja mOmurari imbui ovengi ovarumendu, eye kangamua otjiungura tjawo punovaungure vapunaye umuna mo onjune mutjo. Eye matja ndoondoo kounane wOmapitisiro kOrukuiko kehi yOtjiuru tjawo, Albertus Aochamub mongondjero yawo okupangi¿a ozoserekaze. Omananeno womirari iyemue yomananeno ngena ozoserekaze mo NBC tjinga muwo amuna ozoserekaze hamboume mounane wawo movanane omurongo nu MaÞunÿu meri iumue womitanda omutatanda. “Mbinja¿ukisiwa okuungura motjitamba ihi mena rokutja omirari oure wozombura nai ondjiri onganda yandje. Ami himunu okukara kuarue pendje naimba nu tjitjita kutja omirari virire onjune njune okoo kutja ovio viyeta ondjivisior tjimnaga nu Omurari wOndjivisiro Ombaranga ombuna ovapuratene ovengi kutja omonganda, momahi worukondua namouye. Matuhepa okupa ovapuratene vetu imbi mbimavehepa kutja turipi,” eye wawezako nao nondenjeka ndjimairamba ovitama.