Maryhtar Kambinda 

KATIMA MULILO – Sikiliti sa Zambezi nesibihile nombolo yepahami mwa mungendenge wacwalecwale mwanaha kaufela wakupenda polio, mi buñata bwa banana bane balelilwe neba pendilwe. Likolo libulela kuli babafitelela 42 000 neba pendilwe. 

Mwangambolo ni likolo la lizibiso, sibuabui walikolo la makete Walters Kamaya naize banana babalikana 42 478 nebapendilwe mwasikiliti, kusupeza swalisano ya bashemi ni bababaleli babanana. Nihakulicwalo, Kamaya naize nekuli tata kufita mwalibaka zeñwi mwasikiliti sa Zambezi bakeñisa muunda ni mikwakwa yesiyo hande. 

Nasusuelize bashemi ni bababaleli kutokomela nikubona kuli bateleza kwa mañusa kuzwelela kwalikolo la lizibiso, mi na susuelize bane basika isa banababona kwa pupendo mwa mungendenge wapili kueza cwalo mwamungendenge wabubeli. Mungendenge wabubeli wakupenda banana kubasileleza kwabutuku wa polio uka kala la 24 kuisa la 27 Yowa 2026. Kamaya naize kikwabutokwa kuli banana bapendiwa kuli basilelezwe.