Edhimbuluko lyeendohotola: Kyronseppä naJaaskalainen 

Edhimbuluko lyeendohotola: Kyronseppä naJaaskalainen 

Kleopas Nghikefelwa

MuDesemba 2024 otwa tseyithilwa eso lyOmundohotola nakusa Hannu Jaakko Pellervo Kyronseppä. 

Kyronseppä ngoka a valelwa moHelsinki  momasiku 18 Febuluali 1937 nokwa hulitha momasiku18 Desemba 2024 konima yuuwehame wethimbo ele. Kyronseppä okwa piti omatilika momumvo 1956 muHelsinki nosho wo uulisensiati muunamiti momumvo 1963 koUniveesiti yaHelsinki hoka a ilongele iilongwa yimwe yuunamiti moka a kala omunongononi. 

Okwe ya koNamibia – kOngeleki  yetu (kOniipa) lwotango momumvo 1965/66 noya kala oshikako shotango 1970; Oshikako oshitiyali okwa kala mOniipa pokati komimvo 1974-1976. Pomafudho okwa longo moshipangelo shaAurola muHelsinki (1976-1997).  

Ope na ethimbo ndyoka koUnivesiti yaHelsinki a kala omugandjimayele koshipangelo shokEngela (1993-1995). 

Ndohotola nguka okwa li omupopimalaka – mwa kwatelwa Oshindonga.  

Ethimbo ele tatekulu Hannu okwa kala Ndohotola mOnandjokwe nenge mOkwe ngaashi Aasuomi haa ithana Onandjokwe. Konima sho a yi mopenzela momumvo 2000 okwa kala wo e na ondjugokapangelo kopaumwene.  

Aavali yaHannu oyo Juho Kyrönseppä naUlla neė Päivolä. 

Omundohotola Veli-Pekka Sakari Jääskeläinen

 Ndohotola Veli-Pekka Sakari Jääskeläinen okwa valelwa muEspoo popepi naHelsinki mesiku  eti-10 Desemba1937 nokwa hulitha momasiku 05 Desemba 2024, mepipi lyoomvula 87. 

Jääskeläinen okwa piti omatilika momumvo 1957 muJoensuu. Uulongelwe muunamiti wi ithanwa “lisensiati” okwe wu piti mo-1964 mounivesiti yaHelsinki. 

Uundohotola kombinga yoomeme nuuvalithi okwe wu piti momumvo 1971.  Ofamili ndjika oye ya kOngeleki yaNiipa paikando iyali: Tango omomumvo 1971 noya kala huka sigo omo 1977 noya yi kefudho. Oya galuka ishewe momumvo 1991 noya kala moNamibia sigo omumvo 1994. Oshikando shika sho ya shuna kuSuomi-Finland olutiyali, inaya galukila we koNamibia. Jääskeläinen, patumo lya-FELM,  nande a yi mopenzela mo1997, okwa yakula wo moshipangelo shaThiadiaye, Senegal poomvula dho-1999 sigo omo-1999 nosho wo koTanzania moshipangelo sha-Nyakahanga momumvo 2005. Omundohotola Veli-Pekka ngaashi a li a tseyika nawa, naye okwa li ha popi omalaka ga yooloka mwa kwatelwa Oshindonga.

Uuyelele wa longithwa owa zi momapekapeko gOmubisofi e li moshipundi shevululuko – Retired Elcin Bishop Dr.Thomas Shivute ngoka oye omutse gwosenda yomapekapeko muElcin.