Abraham Mwanyekange
Ekopi loStandard Bank lomanyakwa dingi ahetatu ola alukila mondabo konima yeedula heyali.
Ekopi eli ola li la danwa lwa xuuninwa mo2019 konima eshi kwa li la findanwa po koAfrican Stars eshi yali ya denga Tigers FC mbali monola.
Ekopi loStandard Bank oha li dana keengudu detanga odo da mana okudja ponomola yotete fiyo onihetatu molixa yopombada ya Namibia.
Neudo, ekopi ola kwashilipalekwa noshimaliwa shi fike pemiliona N$2, 5.
Eengudu detanga dingi hetatu neudo ota di ka danenwa keedolopa nhatu moshilongo. Edingonoko lotete ota li tameke koSwakopmund mokapale Vineta okudja momafiku 2 fiyo 3 Mai neduo. Omanga lashikula ko tali ka danenwa kokapale komaudano kOutjo momafiku 9 Mai 2026 nomaudano a xuuninwa okokapale komaudano ko Independence moWindhoek.
Keshe ongudu otai ka kufa ombinga ota i ka pewa N$50 000 lumwe aluke. Oshimaliwa eshi osha nhuninwa omalilongekido okuya molweendo noikutu yokudana.
Mopaife ongonga hangano yokatanga kokeemhadi moNamibia opo tai ka ninga elandulafano lokutala kutya ongudu ilipipo ta i ka taalela ikwao, naasho otashi ka ningwa momafiku 23 Apilili 2026.