New Era Newspaper

New Era Epaper
Icon Collap
...
Home / A dhitikilwa mokakiliva ee ta yugwa

A dhitikilwa mokakiliva ee ta yugwa

2022-05-11  Victoria Kaapanda

A dhitikilwa mokakiliva ee ta yugwa

OmuZimbambwe gumwe okwa mangwa po kopolisi koMariental sho ya yugu omulumentu gumwe iinima yongushu N$33 000. Opolisi yaNamibia oya manga omunaminvo 39 Omuzimbamwe ngoka anuwa a li pamwe namukwawo a matuka po, sho ya yugu omulumentu gumwe gwomimvo 27 iinima ye.

Opolisi oya ti, oshiningwanima shoka osha holoka momudhingoloko gwaMariental moshitopolwa shaHardap.

Otaku hokolwa kutya aalumentu mboka yaali okwa li ya ponokele omulumenutu ngoka metungo tali ithanwa  Submarine, ye mu ponokele noombele nokumangela omagulu ge noonyala mokatoololi.

Opolisi oya ti, omulumentu ngoka okwa li a mangwa noongodhi dholusheno.

Tayi gwedha po kutya okwa li natango a thindilwa okambindja mokana opo kaa vule okukuga omanga aafuthi taya longo iilonga yawo.

Aafuthi mboka okwa li ya kutha mo ongodhi yopeke yongushu N$2 000, ongelema  yongushu N$30 000 osho wo iimaliwa N$1 200.

Omulumentu ngoka okwa li a pondola oku imangulula mo moongondhi ndhoka, nokudhengela opolisi ndjoka ya li mopatolola.

Opolisi okwa li ya thiki meendelelo nokwa li ya pondola okumanga po gumwe, omanga gumwe a li a matuka po.  

Yimwepo yomwaamboyoka kwa li ya yakwa po oya monika.

Opolisi tayi indile moshigwana ngele ope na ngoka e na uuyelele kombinga yaangoka a longo iilonga mbyoka pamwe nomulumentu ngoka gOmuzimbambwe a lopotele opolisi yi li popepi naye.

– vkaapanda@nepc.com.na


2022-05-11  Victoria Kaapanda

Share on social media