Omukainhu weedula 33 okwa fya eshi a tuwa nombele momunino komushamane waye. Oshiningwanima eshi osha ningwa Etitatu efimbo longula komukunda Shungu moshitukulwa shaZambezi. Nakufya okwa tongolwa oye Mapenzi Njahilve womomukunda Shungu. Omupopiliko wopolifi moshitukulwa shaZambezi Inspector Sitali Kisco okwa hokolola ta ti omufekelwa okwa li tava tanguna nomukulukadi waye nokonima ova tameka okulidenga meumbo lavo.

Okudja opo omufekelwa okwa kufa ombele yokapi nokutwa omukainhu waye fiyo ta xulifile ponhele opo. Opolifi oya hokolola tai ti omufekelwa okwe litwala ye mwene kopolifi konima eshi a longa oshimbuluma eshi.  Omufekelwa weedula 38 ota holoka momhangu Etine eshi ta pangulilwa oshibofa shedipawo, nomakonakono opolifi otaa twikile.

Ovakwapata vanakufya ova shivifilwa kombinga yefyo laye. Nakuninga oshihakanwa vati ova kala hava di meumbo limwe nomulumenhu waye nove na ounona vavali.

Opolifi oya kunghilila oshiwana opo shi kala tashi lopota diva ngeenge tashi ningilwa omahepeko momaumbo sho shi dule okukala sha yambididwa pefimbo.

fhamalwa@nepc.com.na