New Era Newspaper

New Era Epaper
Icon Collap
...
Home / A iyaka moshipangelo manga e li miikaha yopolisi

A iyaka moshipangelo manga e li miikaha yopolisi

2022-07-20  Victoria Kaapanda

A iyaka moshipangelo manga e li miikaha yopolisi

Omulumentu gwedhina Isak Nujoma ota kongwa kopolisi sho anuwa a iyaka moshipangelo shaKatutura omanga e li miikaha yopolisi.

Sha ikolelela kepeko lyopolisi moshitopolwa shaKhomas, omulumentu ngoka anuwa okwa li i iyaaka moshipangelo koongulasha dhokupendukila, Etiyali.

Opolisi oya ti, kayi na nando uuyelele wothaathaa nkene omulumentu ngoka a li i iyaka mo moshipangelo, nonando a li miikaha yopolisi pethimbo ndyoka.

Tayi ti, Nuuyoma okwa li a mangwa kopolisi omwedhi gwa yi, sho kwa li a kwata okatakisi taka felefula ombyambyona, hoka a li a longitha iilonga inaayi uka natango.

Otaku hokololwa kutya, omulumentu ngoka sho kwa li ta tidhwa koopolisi, okwa Ii a kutha ondjembo ndjoka a li a longitha okuyuga omuhingi gotakisi ohauto ye, naapolisi nayo okwa li ya tameke oku mu umba noku mu yaha.

Opolisi tayi ti, Nuuyoma okwa li a monithwa oshiponga, sho a li a yahwa kaapolisi ethimbo ta tidhwa, no kwa li a taambelwa moshipangelo shaKatutura moka a iyaka.

Otaku hokololwa kutya okwa kala ta pewa uuhaku moshipangelo moka omanga a kalelwa kaapolisi.

Ya gwedhapo kutya Nuujoma okwa li e li komakende ethimbo a iyaka moshipangelo, no kwa li ega tona ko sho ayi ontuku, shoka natango shanika oshiponga.

Opolisi otayi indile moshigwana kehe ngoka ena uuyelele mpoka pena omulumentu ngoka a lopotele opolisi yi li popepi nayo. Tayi gwedha po kutya omulumentu ngoka ina wo pala okukala mokati koshigwana, onkene opolisi otayi indile oshigwana shi longele kumwe nopolisi, okumanga omufuthi ngoka. vkaapanda@nepc.com.na


2022-07-20  Victoria Kaapanda

Share on social media