New Era Newspaper

New Era Epaper
Icon Collap
...
Home / A kwatwa po eshi a denga otuwa yepangelo nekende lobiila

A kwatwa po eshi a denga otuwa yepangelo nekende lobiila

2023-03-15  Festus Hamalwa

A kwatwa po eshi a denga otuwa yepangelo nekende lobiila

Samuel Kangootui weedula 47 ha longo mouministeli wounamapya, omeva, netululo lomadu okwe lifutila mo modolongo N$1 000 molwaashi vati a denga nokutatula ekende lotuwa yoilonga oyo a denga neekende lobiila.

Omulumennhu ou vati okwa li a kwatwa po mexuliloshivike sha landula oukolokosha pokati kaye nomunailonga pamwe naye oo vati kwa li tava kondjele naye oshapi yotuwa yepangelo.

Kangootui okwa holoka momhangulilo yamangestalata mOutjo noshibofa shaye osha undulilwa komafiku 29 Mai 2023, nomakonakono opolifi otaa twikile.

Oshiningwanima eshi osha ningwa mexuliloshivike mokulukanda Hoabatere modoolopa Outjo efimbo loufiku.

Omukulunhu koshikondo shokukonaakona oimbuluma moshitukulwa shaKunene omupedu Commissioner Iiyambo Paavo okwa hokolola ta ti ovalumenhu ava ohava longo keembelewa doumisteli wounamapya koWindhoek ashike okwa li va ka longela koshitukulwa shaKunene.

Otaku hokololwa kutya ovalumenhu vati ova ya kolukanda nokutokelwa tava nu omalodu pondingosho imwe fiyo omokati koufiku, lwopotundi 01h45.

Okudja opo vati omufekelwa okwa tameka okupula omulumenhu ou kwa li e na eeshapi dotuwa kutya okwa hala eeshapi a shinge otuwa a ye keumbo ashike vati mukwao okwa anya okuyandja eeshapi shaashi omufekelwa kakwa li a pewa epitikilo lokushinga otuwa yoilonga yavo.

Opolifi oya hokolola tai ti okudja opo omufekelwa okwa kufa ekende lobiila olo kwa li ta nu ndele ta denga otuwa ndele te i tatula ekende lokomesho.

fhamalwa@nepc.com.na


2023-03-15  Festus Hamalwa

Share on social media