Omulumenhu weedula 41, ha longo mofaalama okwa kwatwa po eshi vati a vaka eedi omuwoyi ndele te di landifa po, ta pingakanifa, a pewa epangwe kookaume kaye.
Eedi adishe kumwe odi li pongushu yoshimaliwa N$25 000.
Oshiningwanima eshi osha ningilwa mofaaalama i li popepi nodoolopa yaMariental moshitukulwa shaHardap mexuliloshivike.
Omupopiliko wopolifi moshitukulwa shaHardap Inspector Linea Heita okwa hokolola ta ti omufekelwa ou ha longo mofaalama vati okwa ninga omhangela nookaume kaye opo a pewa oupateke vatano vomapangwe yee ta yandje eedi.
Vati mwene womoovene vofaalama eshi e uya okwa yongola eedi daye dimwe dihe mo moshuunda ashike vati omufekelwa eshi a pulwa okwa popya kutya oda vakwa po.
Konima eshi omufekelwa a ka ningilwa omapulapulo kopolifi okwa ka popya kutya eedi okwe di yandje po ndele ta pewa omapangwe.
Ovalumenhu vavali ovo vati yandja omapangwe ova kwakwa po navo notava holoka momhangu Etivali.
Inspector Heita okwa ti oumbudi woimuna onghee ngaa tau londa pombada eshi neudo mwa lopotwa oimbofa 236 yoimuna yava kwa po.
Okwa ti unene tuu oikombo needi oyo imwe ya ninga oihakanwa yokuvakwa po kovanhu.
“Oshiwana na shi kale tashi longele kumwe mokukondjifa oumbudi woimuna, omunhu keshe ta ka monika a londeka oimuna motuwa yaye na kale a lopotwa kopolifi opo a ningilwe omapulapolo,” Heita ta ti.