Omunambelewa omukuluntu muuministeli welongo moshilongo Sanet Steenkamp okwa ti, aalongwa itaya ka pitikwa we wu endulule ongundu ngele ya ndhopa.

 Steenkamp ndhoka okwe dhi popi oku yamukula shoka tashi taambathanwa komalungula kutya okalindeli kosikola okalunduluka moka muna omasiku gosikola tayi tameke oshiwike tashiya.

“Osikola otayi ka tameka mo maasiku gane gaAguste ngaashi shali sha tokolwa iiwike iyali yazi ko. Aalongi oya tegelelwa okwi ilopota koosikola mo masiku gatatu,” ta fatulula ngaaka.

Ta ti, oshigwana nashi hulithe po okuandjaneka omauyelele giifundja oshoka otashi pukitha aantu.

Ta gwedha po ta ti,  methimbo  ndika lyoshinanena , aantu ohaya itaala shoka tashi po piwa unene komalungula oshoka uuyelele owindji ohawu tseyitha pamukalo guli ngaaka.

“Shoka tashi taambathanwa ko malungula kasha na uushili nando. Uuna pwe ya elunduluko, uuministeli welongo otawu shi tseyitha meendelelo,” ta ti ngaaka.

Steenkamp okwa ti, okuza ondondo yopetameko sigo ondondo ontimugoyi, otayi ka pata mo masiku 15 gaDesemba omanga ondondo 10 tayi ka pata momasiku 17 gaDecember.

Ta ti, omalunduluko ohaga ningwa mekwatathano nuumiisteli wuuhaku, ihe kaku shi kuuministeli welongo owo awuke.

Ta popi ta ti, omatokolo ohaga tokolwa kooministeli dhoka mbali, oku taambathana uuyelele oshowo okwiitulila mo nkene yena oku kondolola omukithi gwoCovid-19.

Tagwedha po ta ti, uuministeli welongo owu li ompinge  nokwuandjaneka omawuyelele giifundja no itawu ka idhidhimikila oshinima shili ngaaka, no ngele oya mono ngoka ta shanga no talundile uuministeli mboka otaka pewa egeelo.

Steenkamp okwa ti, itashi hokitha, sho ya tala aalongwa yeli pevi, omanga ya li  yena oku kala yeli koosikola.

“Shoka shi lithe aalongwa pevi, egameno oshoka koosikola okuna aalongwa oyendji, go omangundumano ogo taga keelelwa,” ta ti ngaaka.

Ta kumagidha kehe gumwe oshowo aalongwa sho taya ka tameka oosikola moshiwike tashiya, ya simaneke noku gwanitha po oompango nomalandulathano goku keelela omukithi gwoCovid-19.