Ethimbo lyokulonga momapya olya fuma ko onkene aanafaalama yomomapya oya ningi omaindilo gomambakumbaku gepangelo ga gwedhelwe oshoka ngoka ga tulwa miikandjohogololo ihaga gwana okulongela oshigwana. 

Ta ya ti oyu uvite kutya epangelo olya kambadhala mpoka tali vulu okuyambidhidha, ihe nali gwedhe po natango omambakumbaku nando gaali, ga ninge gane kehe moshikandjohogololo. 

Aanafaalama yomiitopolwa ya yooloka oya ningi omaindilo gomambakumbaku ga indjipalekwe omanga omvula inayi loka unene, ya tameke okulonga omapya gawo ayehe. 

Omambakumbaku gepangelo ohaga pula ashike N$250, go paumwene ngoka giishangitha ga futwe etata kepangelo, ogendji ohaga pula N$600, ihe ngoka ngoka inagiishangitha ohaga pula shike oondando dhawo yene. 

Omupopiliko nomugandji gomauyelele mendiki lyuuministeli wuunamapya Jona Musheko okwati, nonando omambakumbaku gepangelo ita gaka indjipalekwa, otaya ka kwathela aanafalama okufuta ko N$350 mo wili, uuna ya mono embakumbaku lyopaumwene. 

“Ke h e emb a k umb a k u lyopaumwene olyina ondando yoshimaliwa sha lyo, onkene uuministeli wuunamapya otau kafuta oshimaliwa shoka, omanga iihupe tayi ka futwa kaanafalama yo yene,” ta fatulula ngaaka. 

Mu s h e k o ok w a ti , omamb a kumb a ku ngok a oga ishangitha koombelewa ndhookansela, opo ga vule okukwathela oshigwana shoka itaashi vulu okufuta oshimaliwa ashihe hashi pulwa mo wili nenge itashi ka mona ompito yembakumbaku lyepangelo. 

“Shika natango okwali twe shi etapo okuyambindhindha woo, ooyene yomambakumbaku,” ta popi ngaaka. 

Ta gwedhapo ta ti, nuumvo epangelo olya longekidha omambakumbaku geli 145 okukwathela aanafama yomomapya ga topolelwa miitopolwa ya yooloka. 

Ta ti, moka omwa kwatelwa omambakumbaku ngoka kwali taga longwa, sho kwali ga teka. 

Kansela gwoshikandjohololo shUuvudhya Timoteus Shivute okwa ti, onkalo yokumona ompito yoku pululitha nembakumbaku lyepangelo moshikandjohogololo oya kala ya eguluka okuza omvo gwayi, ihe oshigwana oshi hole aluhe okulongitha ominute dha hugunina. 

“Nonando shoka sha kala ngaaka, ota tengeneke onkalo tayi kala hwepo omolwa omukalo ngoka gwa tulwa po gomambakumbaku gopaumwene ta gaka ka kwathela aanafalama,” ta popi ngaaka. 

Ta ti, oyendji oya ishangitha, okupululila oshigwana, yo taya futwa etata kuuministeli omanga etata tali futwa kaanafalama. 

Maria Newaka gwomomukunda Onaanda ota nyenyeta kutya omambakumbaku ngoka ohaya ge uvu ashike taga popiwa ihe ihaya ge mono. 

“Os h i g wana osh i ndj i , omambakumbaku geli gaali itaga gwana oshigwana ashihe moshikandjohogololo shimwe, omanga ngoka gopaumwene taga pula oshimaliwa oshindji, haatuhe tuna iiyemo yoku futa omambakumbaku gopaumwene,” ta nyenyeta ngaaka. 

Ta ti, nonando oya ninge omayindio ohaya tegelele sigo aluhe oshoka aantu ohaya kala oyendji momusholondondo. 

Ta gwedhapo omambakumbaku gepangelo ohaga kala uupyakandhi aluhe, oshoka ohaga kala taga kondjelwa oshoka kehe gumwe okwa hala okuli longitha omolwa ondando yago yili pevi. 

“Ohashi kala oshindhigu okutegelela embakumbaku limwe, lyi maneko omagumbo agehe taga pululilwa moshikandjohogololo shimwe,” ta popi ngaaka. 

Newaka ta ti, oshikandjohogololo oshina omikunda ondhindji, na kehe gumwe okwa hala okupulilwa. 

“Shoka ohashi ke tu thiminika tuka konge omambakumbaku gopaumwene ngoka gena ondilo, gamwe taga pula N$600/650 mo wili,” ta fatulula ngaaka. 

P e h o v e l o Na i n d a gwomomukunda Odobe okwati, okwi ishangitha okupululilwa kembakumbaku lyepangelo ohaku ya tokitha okulonga omapya gawo ku yele, oshoka omusholondondo gwomadhina ohagu kala omule. 

“Epangelo ohali tu pula ombiliha, N$250 mo wili yimwe, moka hatu vulu oku mona ompito yokupulilitha nando oowili mbali nenge ndatu,” Nainda ta hokolola. 

Ta gwedha po ta ti, ihe ndyoka lyo paumwene ohali pulula ashike owili yimwe oshoka oshimaliwa oshindji, itaya gwanitha oowili mbali nenge ndatu. vkaapanda@nepc.com.na