New Era Newspaper

New Era Epaper
Icon Collap
...
Home / Aanona moHelao Nafidi ya mono ehala lyokudhanena

Aanona moHelao Nafidi ya mono ehala lyokudhanena

2022-03-02  Victoria Kaapanda

Aanona moHelao Nafidi ya mono ehala lyokudhanena

Victoria Kaapanda

Aanona mondoolopa yaHelao Nafidi moshitopolwa shaHangwena ya mono ehala lyokwiinyanyudhila. Mayola gwondoolopa Helao Nafidi Darius Shaalukeni okwa ti, aanona yomomundhingoloko Engela nOmafo oya longelwa ehala lyokwinyanyudhila.

Shaalukeni ta ti, ngele aanona oye na ehala lyokuuhala nenge lyokudhanena ethimbo ya zi koosikola nenge ethimbo kaaye na sho taya ningi, ohashi ya keelele okuya momapandaanda.

“Shika otashi kwathela aanona mondoolopa muka oshoka ngaashingeyi oyeshi kutya otaya yi peni, uuna kaaye na sho taya longo momagumbo,” ta fatulula ngaaka.

Shaalukeni ta ti, ehala ngeshi ndika ota li gundjilike omandhilandhilo gaanona omolwa omaudhano ga yooloka ge li mehala moka. “Aanona yamwe oye li moohila naakuluntu yawo, kaye na omahala gokudhanena, onkene ndika ota li kala ehala lyi li mondjila lyaanona ayehe mondoolopa,” ta popi ngaaka.

Ta gwedha po ta ti, okukala momapandaanda ohaku yonagula po oonkalamwenyo dhaanona oshowo aanyasha monakuyiwa. Momapandaanda ohamu ningwa iiningwanima oyindji iiwinayi, moka hamu zi aanona tayaka longitha iingangamithi oshowo iikolitha.

“Ehala ndyoka ita li kala ta li futwa pomweelo, ihe olya nuninwa okugongaleka aanona ya kale ye li melandulathano,” ta ti ngaaka. Aanona yomomindhingoloko ndhopopepi esiku ndyoka okwa li ya tondokele mehala ndyoka. Ehala ndyoka olyina omadhewo gaanona ga yooloka ngoka ogo unene taga hi li aanona ye ye, mehala moka.

“Otamu ningi ha muya mehala muka ashike uuna mwa zi kooskilo, ihe itamu zi momagumbo ongula muuka ke hala ndika,” ta kumagidha aanona. Shaalukeni natango okwa li a kumagidha aanona ya tsikile okwiilonga nuundhidhiginini opo wo nayo ya kolenge ngaashi nana eya longela.

Aanona okwali taya ulike ya nyanyukwa, yo taya iteele nomukumo oshowo nenyanyu. Mayolo okwa ti, shoka nasho otashi yambulitha po ondoolopa yawo. “Shika osho shimwe shomwaambyoka tayi humitha komeho ondoolopa yetu yaHelao Nafidi,” ta ti ngaaka.

– vkaapanda@nepc.com.na


2022-03-02  Victoria Kaapanda

Share on social media