Nonando iipotha yili 18 yekuthikukithi epe, Omicron ya monika moNambia, natango kashishi ethimbo lyokutila.
Dhoka odha popiwa komuPresidente gwoshilongo Hage Geingob, sho kwali takumagidha oshigwana kombinga yomukithi tagudhana onkandangala muuyuni.
“Oshigwana ngele itashi iyumbata nawa nokugwanithapo oompango adhihe, otatu katokola oompango dha kola ethimbo lyokili,” ta ti ngaaka.
Ta ti, oompango dhoka tadhi ka tulwapo itadhi ka kala tadhi hokitha, ihe shoka otashi ka ningwa uuna oshigwana itashi uyumbata nawa.
Presidente otaka popya natango momasiku 14 gomwedhi nguka.
Iipotha okwali ya konekwa tayi indjipala unene, okuza oshiwike sha ziko.
Minista guuhaku nonkalo nawa Kalumbi Shangula okwati opo manga taku konakokwa onkalo nomaihumbato gomukithi omupe, Omicron.
“Sigo ompaka otuna ashike ontseyo kutya okuwendwa oko ashike taku kandulapo nenge taku shonopaleke ompito yokukwatwa komukithi ngoka, “takumagidha ngaaka.
Shangula ta ti, aantu oyendji inaya tuntilwe oyaningi iihakanwa yomukithi goCovid-19.
“Omukithi ngoka Omicron ogwalopotwa unene moshitopolwa shaKhomas,” Shangula ta ti ngaaka.
Tagwdhapo kutya aantu yeli 695 oyalopotwa yenagomukuthi goCovid-19 oshilongo ashihe.
Ta ti, oshitopolwa shaKhomas natango osho tashi lopotwa shina aantu oyendji ya kwatwa komukithi ngoka .
Miipotha ayihe ya lopotwa yomukithi ngoka omupe ka pena nando omuntu gumwe eli moshipangelo.
Aantu ashike 26 yeli moshipangelo yena omukithi goCovid-19, omanga yaali yeli kiifudhitho.