WalvisBay- mbunga ezi zakarerapo vakansela wonondango donodoropa nonositata moNamibia presidente gwawo Samuel !Oe``-Amseb katente asi epangero lyahepa kupa vakansela wonomukunda eyi yava wapera yipo vakute wokugava asi ngapi nazikara doropa ntani wokudiva younkurungu omu navagava yirugana yompumbwe konondnango dodoropa.
!Oe-Amseb kahuyungire pepongo lyomazuva gatatu omu vana kuliyonga yokuhamena evhu modoropa zaWalvisBay omu vana karamu vakurona wonodoropa, vakansela wonomukunda ntani vakansela wonodoropa ntani vanamberewa womonodoropa dokulisiga siga.
Sitambo kuna kara asi twahepa kuzigida vakansela, vakwatesiko ntani vapunguli makura kumwe vatare asi ngapi vana kuza komeho, omu navatara asi ngapi vana kugwana evhu ntani omu navadika mambo. Amseb katente asi yimaliwa yoyinzi kuna kuyigava kwava ava gava yirugana pwavene omu dina kuyigava nondango donodoropa.
"Egendeso lyonodoropa kwavapulisira vapapare ava navavavatera moyirugana ponze zovarugani vawo, ayipitire unene monoprojeka dononene. Kuna kugava sihonena ngwendi doropa zaOutjo, omu katente asi yimaliwa yoyinzi kuza kowo ava pura varugane yirugana oyo makura kusiga nye ndango noyimaliwa yoyi sesu. Awo kuruganesa yimaliwa yoyinzi eyi yina kara asi kuvhura kuyiruganesa mokudika mambo ntani kuwapukurura evhu eli tuna hara asi tuliruganese. Kansela zakara asi zonunu nye kuna kumona udigu wangesi, yina kara asi kapi vakara novarugani wokugazara asi ngapi nazikara doropa makura ntudi vahepa kukapapara ponze. Makura morwa yoyo, vakansela wonomukunda vahepa kuvapa nye nonkondo vature varugani vangoso wokugava magano asi ngapi nazikara doropa ntani wokudiva asi apa yinke nayikarapo valirongera unkurungu.
Makura melikwamo lyangesi awo ngavavapura tupu vafute yimaliwa yomorugendo ntani yimaliwa yomaholi, yimo ngoso ana kutanta. Ogu kakere nage tahuyunga pepongo lyangesi, ministera gonomukunda nonodoroipa nekuliko nomukunda Erastus Uutoni ogu nage kaligwire nononkango odo mokutanta asi evhu mokuliwapayika ndiro, vadivi unkurungu ntani matungo kuna kara yininke yondiro unene eyi kuna kara yimwe yina kureta udigu mokuwapukurura evhu olyo.
Kuna kara asi yina lisigi unene omu vantu woruhepo ntani wokugwana yimaliwa yoyinzi kupwira kwawo. Nye nompito nonzi edi tuna hara asi tudiruganese. Sinzi sonondango donodoroipa kuna kara nevhu lyenzi unene vapira kuwapukurura evhu, nye kuna kara konye unapolitika, ntani eyereko simaliwa epangero lyontjima ntjima omu vana kuvatera malikwamo gekuliko omu vana kuyitura nayinye eyi mosirugana pontambo zokansela wonomukunda nava wonodoropa’’ yimo ana kutanta Uutoni.
– edklerk@nepc.com,na