Mubihi waMutende

Katengo kakabona zakukutisa mutelo (NamRA), nekanyatezi kutamiwa kwabaana bababeli, walilimo zemashumi aketalizoho kasilisiñwi, niwalilimo zemashumi amalalu kazetalu, kakubata kuleka mubeleki waNamRA kweta. Taba yakuleka kweta netile kasamulaho muuna walipisini wamuzwakuhule, kuzwelela mutuloupa wanaha nafumanezwi sikoloti sa mutelo sesilikana bolule balobapeli (N$8 million). Muuna walipisinisi natahisize malisiti abuhata kuli akone kuputelela NamRa. 

Mwasitamimende sene sifilwe kisibuabui waNamRA Yarukekuuro Ndorokaze natolokile kuli ofesi yebona zakukutisa mutelo, ne ezize lipatisiso kubona buniti bwa malisiti ane afilwe nikutifaza sikoloti. “Lipatisiso hane lisa zwelapili, mukutisi wamutelo akupa kubona babeleki baNamRA, mi teñi babeleki nebafilwe masheleñi kuli sikoloti sitakulwe,” kubaleha sitatimende sa NamRA. Kalibaka leo katwa sekateiwa kiNamRA kaswalisano ni kakatengo kakalwanisa litaba zabulyangelino (ACC). 

“Babeleki baNamRA kihabayo katana babanyaziwa Lamubulo kuyo amuhela masheleñi alikana N$100 000 akuleka kweta, mi babanyaziwa sebayo tamiwa hane batambeka masheleñi. “Masheleñi, motikala nizene belekisizwe mwataba yabubangoki, hamohocwalo ni mafoni afanoka, neli yangilwe mi haiba inge bafumanwa mulatu likona kuba zamubuso,” nekubulezi NamRA. Babanyaziwa nebalibelezwi kubonahala mwakhuta Labulalu.