New Era Newspaper

New Era Epaper
Icon Collap
...
Home / Bababeli batamiwa kasamulaho situpu sifumanwa mwafuliji

Bababeli batamiwa kasamulaho situpu sifumanwa mwafuliji

2021-11-08  Aletta Shikololo

Bababeli batamiwa kasamulaho situpu sifumanwa mwafuliji
Top of a Page

Baana bababeli babapila mwamuleneñi waWindoko, nebatamilwe kimapokola kasamulaho situpu samuuna walilimo zermashumi amabeli kazepeli nesifumanwi mwafuliji. Yomuhulu wasipokola mwasikiliti saKhomasi Ismael Basson nanitifalize kuli babanyazwa bababeli Malakia Mateus walilimo zemashumi amabeli kazepeli, ni Amos Israel walilimo zemashumi amalalu kazeketalizo, nebatamilwe Labulalu kulatelela pulao yamutangana yoo situpu sahae nesifumanwi mwafuliji, kwasibaka sa Herero Mall mwa Katutura. 

Piho yasipokola nezibahalize nyandi kuba Leevi Kondjeni Paulus, yana kile abonwa lwamafelelezo mazazi amabeli pili situpu sahae sisikafumanwa. Mapokola nebaize Paulus yakulubelwa kusimuluha mwanaha Angola, naeza lipisinisi kwa Herero Mall, mi nabonwi lamafelelezo Labutanu, kono situpu sahae nesifumanwi Lasunda, kasamulaho munko otiile notisize kuli lubasi lukene mwalinwelo la bucwala mone bailo fumana situpu sene sinze sibola “mwafuliji yene kwalilwe”. Basson nabulelezi New Era kuli situpu nesi ile kwakupazulwa kono litaba kabutungu halisika patululwa kale. 

“Mokubonahalela, mutu yoo nanatilwe kakuli mubili wahae nona ni matuma, mi mwasibaka mone sifumanwi situpu nekuna ni lisupo zakutundana,” nabulezi. Basson naize kitaba yebilaeza kuli kezo yabubangoki yeo ikona kuezahalela mwasibaka sesi patehile hahulu, sesiswana sina Herero Mall, kusina yalemuha. “Kalibaka leo nekulubezi tata kufumana babakububelwa. Nekulungile mazazi abato eza amalalu kulemuha batu bao, kakuli nekusina hande bupaki kwamandu ali bukaufi,” naekelize. Kwamulaho sibaka sa Herero Mall nesizibiwa kuba likunganelo la bubangoki, mi nesitisize lipilaelo kwasicaba. 

Ñohola muuna walipisinisi kuzwelela naha ya Somalia, yana ni sintolo mabapa ni sibaka seo, naitamile kufulalela pisinisi yahae kuli kuyahiwe siteshini sa mapokola kutusa kulwanisa bubangoki. Mohammed Marwan, katuso yasicaba sesipila mabapa, nafile pisinisi yahae kamanzwi akuli habakoni kupila ni bubangoki mwasilalanda, ili taba yekatalize bayahi ni balipisinisi. Marwan kanako yale hana bulela ni mubihi wamakande nakile anatiwa habutuku kibaana bane asikaziba, bane babata kuuzwa mwasintolo sahae, naize kuna ni busholi bobuñata mwasilalanda mi batu haba ikamaeli mobalatela, sihulu nako yabusihu. Babanyazwa neba bonahalile mwakhuta Labune, mi neba hanezwi kulibelela taba yabona kwanda tolongo. Balibelezwi kukuta mwa khuta la 27 Sope 2022.


2021-11-08  Aletta Shikololo

Share on social media
Bottom of a page