Mapokola mwasikiliti sa Kavango ya Wiko neba patuluzi kezo yabusholi bwa likomu. Sikiliti sani sitalimani niku ekezeha kwabusholi bwa likomu, mi sicaba sikupile mapokola kusebeza katata kuswala masholi baba feza likomu. “Labubeli kanako ya 21h00 kwamunzi waManyondo, mwasilalanda sa Kapako. Baba kulubelwa babane neba uzwize nikubulaya pulu, yene fula kwamukulela wamukwakwa waRundu-Nkurenkuru,” nekubulezi yomuhulu wasipokola mwasikiliti sa Kavango ya Wiko Julia Sakuwa-Neo.

Kasamulaho akulumiwa zebe kilisawana mapokola bapatisa babakulubelwa, mi babafumana basweli kubeka pulu, inze balonga nama mwamotikala yamufuta waToyota Corolla (sedan) yanombolo N1704RU. “Mapokola habayo fita bababeli bamata, mi bababeli bakwela mwamotikala. “Babakulubelwa bababeli bakwaeza mi habayo fita kwamunzi waHalili mukwaezi alongoka mwamotikala nikubaleha, yana kwezi niyena atamiwa. Muña motikala natamilwe habusa kakusasa,” nekubulezi yomuhulu wasipokola. 

Nabulezi hape kuli likomu liketalizoho libulailwe mwasilao sesiswana cwalecwale. Nafile mamela kuli masholi balikomu baka tamiwa nako hainze iya.