Sabo yalinanga ikenezi balimi mwasikiliti sa Oshana, kalulo ya sikiliti haitibisizwe kimezi amuunda ni licalano zeñwi halitibisizwe kimuunda, mi zeñwi liomile bakeñisa kutokwa pula. 

Kibumai kwabalimi kwamunzi mwasilalanda sa Uuvidhiya kakuli ikaswana yaba silimo sa bubeli basa fumani pula.

Balimi babañwi kwa Onaushe licalano zabona halisikamela kale kakuli neba calile kakulyeha. 

Bane bacalile kaku itahanela, licalano zabona seli oma. 

Nduna swalelele wamunzi waOnaushe, Bilha Kambidhi, naize munzi hausika fumana nihaike lilotoli la pula mwa kweli ya Yowa. 

“Pula ya mafelelezo yene lufumani neli mwakweli ya Sope. Licalano zaluna seli shwa mi haluzibi kuli luka pila cwañi,” nekubulezi Kambidhi. Naekelize kuli kwanda licalano hakuna mezi alikomu mwamilapo. 

“Babana ni mezi bakanga kwamapompi. Hakuna mezi mi mafulelo niona sabato feela, lulapela kuli pula itahe kakuli lusaba kuli limunanu zaluna halina kupila,” nekubulezi Kambidhi. 

Peneyambeko Michael naize hakuna kuba nikutulo yende kakuli pula ilyehile. 

“Kuna ni lizazi mi pula ya lyeha. Haluzibi kapa lukafumana sa kuca unumwaha,” nekubulezi Michael.

Muinasipula wakatengo kasikiliti sa Oshana ni muyemeli wasilalanda sa Ongwediva Andreas Uutoni naize mayemo asikiliti abilaeza. 

Kuekeza falicalano zesweli kushwa, lilalanda zeñwi litaselizwe kimuunda, ili kalulo yene itisize kulatehelwa kilicalano zene tibisizwe kimezi, kusinyeha kwamikwakwa mi batu babalikana 300 neba taselizwe. 

Batu babalalu babihiwa kuli neba tibisizwe kimuunda. Uutoni naize mayemo akaswana atepelela kufita linanga la 2019. 

Naize mezi afumaneha feela kokuna ni muunda mi libaka ze`nwi liomile. 

Kono muunda niona so zamaya ukala.