New Era Newspaper

New Era Epaper
Icon Collap
...
Home / Bayembani habalumelelwi kuina

Bayembani habalumelelwi kuina

2022-02-14  Festus Hamalwa

Bayembani habalumelelwi kuina

Mubusisi wasikiliti sa Omusati Erginus Endjala, ubulela kuli bayembani kuzwelela naha Angola, babanze bakutela mwasikiliti baswanelwa kubihiwa kapili, kakuli habasa lumelelwa kuina mwanaha. Bayembani banze bakutela mwasikiliti mwaliviki zefelile kakusila museto isi kamulao. Babakutile balumela kuli habataha mwanaha Namibia, bakapuluswa kwalinanga, lukupwe ni kutokwa misebezi kakufiwa tuso kimuuso wanaha Namibia. 

Endjala naize ofesi yahae ifumani lipiho zabayembani babanze bayembana mwasikiliti, ili taba yebilaeza hahulu kakuli hakuna sibaka sakubabuluka.

 “Haiba inge lusiya bayembani kukutela mwasikiliti, yakabafa lico ni maino kimañi, lukafumana kai lico zakubafa? Ikaba butata haiba bayembani inge bakutela mwanaha Namibia,” nabulezi.

Kweli yefelile bayembani babalikana 1 792 nebakutisizwe mwanaha Angola, kungelela cwalo ni baana, basali ni banana bane bapila kwaEtunda kalikweli zelishumi kailiñwi. Muuso wanaha Angola nosepisize kubafa maino aswalelele mwasikiliti sa Cunene kufitela bakutisezwa kwaminzi yabona. Endjala naize ofesi yahae nebulelezwi kimuuso wanaha Angola kuli basike balumelela bayembani mwasikiliti kakuli Angola itukiselize kubabalela sicaba sayona.


2022-02-14  Festus Hamalwa

Share on social media