ONGWEDIVA – Katengo kakabona zababeleki ba makete mwanaha Namibia, kalemusize kuli kasweli kubatisisa mikwa ya baoki bane bakopilwe banyandisa mukuli wa mucembele kwa Oshakati kweli yefelile. “Katengo kaka batisisa mikwa ya baoki baba bulelwa ni kunga muhato oswanela,” muñoli wa katengo Cornelius Weyulu nabulezi mwa sitatimende. Baoki neba kopilwe basebelisa manzwi amaswe, mi yomuñwi nabonwi anata mucembele lubaka. Mwa maswaniso ane aikabelwa famakepe akuitabisa, mukuli nabonwi alobezi fafasi mwa muzuzu.

Weyulu naize katengo kafiwa maata kimulao wabaoki wabulobapeli wasilimo sa 2004, kungela muhato baoki kaufela babañolisizwe. Nabulezi hape kuli baoki baswanela kusebeza kaswanelo ni kubabalela bakuli, kacwalo baswanela kueza cwalo kalikute nikubona kuli litukelo za bakuli zakutekiwa. Katengo kacwalo kaelelize baoki kaufela kusebeza kaswanelo nako kaufela ni kutusa bakuli kusina kubashubula. Muzamaisi yomuhulu waliluko la makete Ben Nangombe nanyazize likezo za baoki mi neba zusizwe kwa pabalelo ya bakuli.