Nonando omukithi goCovid-19 gwaningi ethimbo gwa shonopola moomwedhi dha ziko, sho kwali haku lopotwa oshipotha shimwe, iyali nenge nola, omasiku gatatu ga piti, oya indjipala.
Minista guuhaku nonkalo nawa Kalumbi Shangula okwati, omasiku gatatu ga piti, iipotha ya pita pomulongo oya lopotwa, omanga iipotha ihamano yalopotwa, Etitatu.
“Miipotha moka ya konenekwa tayi indjipala, aantu yeli yaali oyasi komukithi goCovid-19, mboka ayehe inaya tuntilwa. Ayehe oya yambukile koshitopolwa shaZambezi,” ta fatulula ngaaka.
Kalumbi ta ti, miipotha yaantu ayehe mboka ya monika omukithi ngoka, omuna yamwe ya tuntilwa iikando ayihe oshowo mboka ya tuntilwa oshikando shimwe.
“Sho osho shoka ta tu, fatulula kutya omiti ndhika itadhi keelele omukithi nguka thiluthilu, ihe otagu kwathele ashike okushonopaleka ompito yokukwatwa,” ta popi ngaaka.
Minista ta ti, omukithi ngoka omo guli mo kati ketu natango, onkene oshigwana inashi sholola okugwanithapo oompango ngaashi naana sha ningile sho kwali gwa shonopala oomwedhi dhayi.
Ta ti, okuntilwa oko ashike taku dhana onkandangala onene oshowo okukeelele omaso.
“Otandi tsikile okukumagitha noku tseyitha uuwanawa wokutuntilwa. Kehe ngoka a tuntilwa, a mana ko omalweetho agehe gaali, ota henuka eso oshowo okukwatwa komuthi gwoCovid-19,” ta kumagidha ngaaka.
Shangula ta ti, omiti dhoka ka dhina nando uuwinayi washa ngaashi omapopyo taga taambathanwa komalungula, netompelo lyoku hongolola aantu kaaya tuntilwe.
“Ehogololo lyili mondjila okutuntilwa, okugamena omwenyo goye, aapambele yoye oshowo mboka hokala mekwatathano nayo,” ta popi ngaaka.
Ta ti, oshigwana ngele osha longele kumwe, eta shuuvuko shoka tashi kumagidhiwa nasho okuza kwaamboka yena ontseyo, okulwitha omukithi nguka, Namibia otaka sinda oCovid-19, ahulepo thiluthilu.
“Shoka sha simana okugwanithapo omalandulathano noompango ta dhizi koshikondo shuuhwaku, ngele kehe gumwe okwa tuntilwa, ompito yoku kwatwa komukithi gwoCovid-19 oya shonopola,” ta ti ngaaka.
Minista okwati sigo oompaka aantu ashike 298 503, ya tuntilwa iikando iyali, oshilongo ashihe.
– vkaapanda@nepc.com.na