Mueteleli Swalelele kwasipatela sa Oshakati Dr Asumani Kibandwa, ukupile batu kuitahanela kuya kwalipatela basakala feela kubonisa lisupo zabutuku bwa Covid-19.

Kibandwa naize buñata bwa bakuli basweli kuya kwalipatela hase batopwezi sihulu habakala kusabuyela hande. Naelelize sicaba kuitahanela kuyo tatubiwa – nihaikana yaba feela libelenge, kuli bakale kufumana likalafo kabunako. 

Nihaike babaikwalela kwamandu abona baswanela kubata kalafo pili, kuli bayo fiwa milyani. 

“Hañata bakuli bataha kwasipatela habakala kusabuyela hande. Lisupo zeñwi zecwale kamukatalwa ni kuopa mwatoho baikalafa bona beñi,” nekubulezi Kibandwa. 

Naize buñata babaya kwalipatela ni lisupo zakakokwani kaCovid-19 habazibi kuli bayambuzi. 

“Kihande batu kuziba mayemo abona nikubata likalafo kapili, isi kulibelela kubata kalafo Covid-19 hase ikeni mwamaswafu,” nabulezi. 

Kamulawo batu bababonisa lisupo zaCovid-19 habaya kwalipatela babeiwa fakalafo.