New Era Newspaper

New Era Epaper
Icon Collap
...
Home / CRO vahagekesa posiruwo sosisupi kuna kundindira mapuko gendi

CRO vahagekesa posiruwo sosisupi kuna kundindira mapuko gendi

2021-07-08  Steven Klukowski

CRO vahagekesa posiruwo sosisupi kuna kundindira mapuko gendi
Top of a Page

Keetmanshoop - Mukurona pamberewa ogu vahagekesa mo//Kharas Beatus Kasete katente asi nampili ngomu ana gwana mbapira zokumuhagekesa yirugana yendi, age simpe kuna kugazara asi yinke yina kukwamako apa nye nagwana mbilive zina kumutantera asi yinke epuko eli garugana. ‘’ Ame kuna kundindira vapenge mapuko gange patjangwa, mbilive zina kutanta asi ame kwagwana ehagekeso lyange, makura kutunda opo ntani nye nani papara magano kukwama veta moomu yawapera, ntani, komeho oko, kukwama nye asi yinke vana tjangamo mombapira zange, ‘’ Kasete yimo ana kutantera sayitunga zaNew Era, mokukwama ehagekeso lyendi eli kagwene mosigongi sosipesiyare sovakansela momazuva 25 Murongankuru. 

Kasete katente asi age ntani nye gapa vakansela nokonda asi morwa simpe navamufutira age mepwizumuko lyokumuhagekesa karuwogona kukwama nye mombilive ozo nagwana. ‘’ Nye ame hawe nani sikisamo etokoro  lyovakansela, omu vana kugusange momberewa zange, ngomu nakara asi mukurona pamberewa mokugendesamberewa, yimo ngoso ana kugwedako. Mombilive nye ezi vana mono ava vanambudi, //Kharas ngomunasipundi gwazo govakansela, Joseph Isaacks katanterere CRO asi age vana muhagekesa, nonokonda dimwe vanaturako. ‘’ Ehagekeso eli posiruwo sosisupi kuna kara asi kwato kugwana nzambi, ntudi wahepa kupa vakansela umbangi momazuva aga ntambali kutunda tupu opo ono kugwana mbilive ezi, zokukuhagekesa. Nsene asi navakufuta ntudi totanterengeko ame munasipundi gondango, ntanbi nsene togendi opwage moKeetmanshoop ama ngomunasipundi nahepa kuyidiva. 

Ehagekeso eli kwakara dogoro liwizemo ekona kona ntani kukutwara kepisuro monad zomazuva gana siki ko 20, yimo ngoso simpe zina kutanta mbapira. Simpe kuna kutanta asi mapuko gendi ntani kutwaredera nye kokomitiye zepisuro, oyo nayo ngava yituma patjangwa kwaCRO, konyima tupu zomazuva 30, opo nagwana mbilive ozo. Simpe kuna kugwedako asi Kasete simpe vana mupe mpito zokuliwapayikira nkumbu zendi opo nye ngavamutantera siruwo, ezuva  ntani evango asi kupi ngakamonekera kokomitiye zepisuro omu vana kukamupuragera nsene asi vana mana makonakono makura nayinye oyo tavayimanapo. –sklukowski@nepc.com.na


2021-07-08  Steven Klukowski

Share on social media
Bottom of a page