New Era Newspaper

New Era Epaper
Icon Collap
...
Home / ECN zina turapo ezuva lyomahoroworo gana kutengwirapo

ECN zina turapo ezuva lyomahoroworo gana kutengwirapo

2021-02-18  Staff Reporter

ECN zina turapo ezuva lyomahoroworo gana kutengwirapo

Vahorowoli wokombindakano zosirongo simpe tavatengura komavango gokuhorowera sivike oso sina kuwiza moutano momahoroworo ogo gana kutengwirapo, omu veta zosirongo zakarerapo mahoroworo kavatokwere asi, mahoroworo aga gakereko gondango zonodoropa nonomukunda kapi gawepe nodoropa ngwendi Stampriet, Aroab, Koes ntani Mariental Rural mukunda morwa nomutangupo. 
Mberewa zomahoroworo mosirongo moune una pitipo kazitjangerere nombilive konombunga politika nokutanta asi mahoroworo taga kakarako momazuva 26 Murongankuru 2021. 

Vagendesi mahoroworo kuna kutanta asi sigongi nasikarako nayina nanavenye vana hamenemo vatameke kuliyonga marongikido nagenye kuhamena mahoroworo aga. 

Vapanguli vatatu vapa sinka sokutarurura kweyi yomahoroworo kwatokora asi mahoroworo gomonodoropa ngwendi Koes, Aroab, Stampriet ntani Mariental zoponze zodorpa morwa kwahorokamo yininke yokupilira kuwapera gahepa kutengwirapo. 
Mberewa zomahoroworo kwareta sirapotwa esi kompanguro poopo vazuvhire asi mavango gamwe kuna pata siruwo sahana kusika ntani yimbapira yokuhorowesa kwakere yepuko momahoroworo ogo gakereko mo 25 Mangundu 2020. 

Mukurona gompanguro zonene zomoVenduka Shafimana Ueitele, Herman Ooostehuizen ntani Orben Sibeya kwagana asi yininke kapi yayagendapo nawa eyi yatwaredera asi mahoroworo aga gahepa kuga gusapo vahorowore hena. 
Mpanguro simpe kwagava managwiro asi ECN gahepa kugava N$50 000 kwankenye mbunga zina kuhamenamo ano kondango nye zaHardap Regional ano kondango zodorpa ako N$ 25 000. 

Eyi kuna kuninkisa ava vahamenenemo vakare asi pombunga politika ndi pwamwene agwane siruwo sokukalihameseramo, yimo ngoso zina kutanta mpanguro. 

Etokoro eli kwazera, asi yimaliwa yangesi vahepa kuyigava konombunga dina kuhamenamo kwelike. 
Vapanguli kapi vazamo momu nene vatante asi yinke vana tulire etokoro lyangoso, nye awo kavatente asi navayitura nayinye oyo poruzera. 
Nye ECN gahepa kutulisapo mahoroworo ogo mokatji komazuva 14 kutunda tupu apa vana kugwana etokoro lyangesi, eli lyakereko moutano. 
Nye ehoroworo lyahepa kukaro komeho tukadane kilikimisa.

Yihorokwa kwakara asi kuna kara pevango vahorowere lya Glencoin moHardap kwapete novili neko ngano vakapate, ntani yimbapira nye yokuhorowesa eyi varuganesere yepuko moKoes ntani Stampriet mondango zodoropa.

Ntani ECN kwareta sirapotwa kompanguro omu vagavera mazwi gepuko monodoropa ngwendi Otavi, Okakarara, ntani Katima Mulilo. 
MoOtavi, evango kwaligava ko PDM nani nye ngano kwaligeve kwaSWAPO,ava vagwene mazwi gomanzi. 
Ano moKatima mulilo, evango kwaligeve epuko kombunga vana kutumbura asi Katima Development Association nye ngano ko NDP ano koOkakarara, evango kwaligeve kwaNudo nye ngano lyahepa kuza kwaPDM. 
Vapanguli kwageve asi egavero mavango aga vahepa kugawapayika komeho zo 18 Sindimba 2020.


2021-02-18  Staff Reporter

Share on social media