Elelo lyondoolopa lyEenhana olya tokola okutula miipindi iimuna yili moshigunda shelelo lyondoolopa, mbyoka ya ningi ethimbo moshigunda shawo okuza momumvo 2011. Omukuluntu melelo lyondoolopa Eehnana Gabriel Benjamin okwa ti, iipundi mbyoka otayi ka kala ko momasiku gahetatu gaDesemba nuumvo. “Kehe ngoka e na iimuna ye yi li moshigunda shetu, ihe okuli ompinge netokolo ndika, na thike poombelewa dhetu, omanga omasiku gaali ga Desemba, inaaga thika,” ta popi ngaaka.

Ta ti, itaya ka tambula omapulaapulo okuza moshigwana konima iimuna mbyoka ya landithwapo.

“Iimuna mbyoka twa tokola okutula miipindi oya kala ethimbo unene moshigunda shaMuni, ihe ka pena ngoka eya okuyi pula nenge adhidhilikithe kutya oye mwene gwayo,” ta fatulula ngaaka.

Benjamin onkene otakumagindha aakwashigwana yena iimuna ya yili moshigunda shelelo lyondoolopa opo ya thike poombelewa dhawo, omanga ethimbo po pepi, no manga etokolo ndyoka inaali tulwa miilonga.

Tagwedhapo ta ti, shoka itaye keshininga okuza komatokolo gawo yene, ihe oyalandula okatendo koompango 27 (2) of Animals Pound Regulations (No331 of 2020). Iimuna mbyoka tayi katulwa miipindi, iingulu yi li omugoyi mbyoka kwali ya kala moshigunda okuza omvo 2019, Iikombo 12 ya kalamo okuza 2011 oshowo oondjuhwa hamano dha kalamo okuza omvo gwayi.

Ngoka ena omapulapulo nandhenge konola 065 290617. – vkaapanda@nepc.com.na