New Era Newspaper

New Era Epaper
Icon Collap
...
Home / ‘Ehalo otu na, ka pe na ou ta kala nounona vetu’ Ounona ve na ounona ova hala oku shuna mofikola

‘Ehalo otu na, ka pe na ou ta kala nounona vetu’ Ounona ve na ounona ova hala oku shuna mofikola

2022-12-02  Festus Hamalwa

‘Ehalo otu na, ka pe na ou ta kala nounona vetu’ Ounona ve na ounona ova hala oku shuna mofikola

 

Onona voukadona ve na ounona nava mwe ve li momateelelo veli ngeno pefimbo kala mofikola, ove li momalimbililo oku dilaadila eenghalamenyo davo konima yoku pulumuna. 

Vamwe vomuvo ovo va teelela okupulumuna kEwalanda moshipangelo shaNandjokwe ova hokolola tava ti ove na e halo lokushuna mofikola ngeenge va mono ounona ashike ka pena ou ta ka kala nounona vavo. 

Ova ti kutya ehongo ola fimana komunhu keshe onghee navo ova hala opo va ka twikile fiyo tava mane omalihongo avo koipupudilo yopombada. 

Pefimbo Kundana a talela po Ewalanda moshipangelo shaNandjokwe Et itatu ova hokol ola tavi ka shi pu komunafikola ngeenge e na eteelelo omanga e li mofikola shaashi ihava kala ve li tula mo meetundi eshi hava kala tava kofa nokudiladila ou ta kala nounona vavo noshoyo oku li pula ngeenge xe yokaana ota kala tuu ta yambidida ile otava faduka po. 

Ewalanda onhele omo a mu kala ovaikanhu ve li momateelelo ve uya okutelela okupuluma. 

Ewalanda oha li kwafele ov a kai nhu ovo hava di komikunda dokokule opo ve uye okukala popepi noshipangelo ngeenge tava fetwa. 

Justine Shihepo weedula 19 okwa hokolola ta ti okwa shanga ekonakono laye laxuninwa londodo 11 neudo ashike oku na e halo yokuya kofikola modula tai ya opo aka twikile koshipupudilo shoIUM e ke li hongele ouhongifikola. 

“Ohandi kala a ndi li pula efimbo keshe kutya olyelye ta kala nokaana kange eshi a ndi kaya kofikola. Meme wange okwa xulifa nale, ngeno okwa li meme e li momenyo ngeno oye ngoo ta kala nokaana kange,” ta hokolola. 

Monica Kamati weedula 20 okwa hokolola ta ti okwa li ta e ndulula oilongwa yaye ivali yondodo 12 onghee oku na omukumo kutya okwa pita nawa shaashi okwe li honga nondjungu. 

“Meme oye ashike e li mo meumbo yee oku na owike. Ita ndi dulu okufiilwa meme okaana ka shona pefimbo leendima,” Kamati ta ti. 

Okwa ti eshi oshi li eshongo linene momudo tau ya shaashi otashi ka eta a kale e li meumbo lokaana kaye. 

Eunike Shinuwa a dil e 

 

komukunda Okambuwa moshitukulwa shaShikoto naye okwa hokolola ta ti okwa hala a shune mofikola mondodo 10 omo kwa li e li ashike ita dulu shaashi ka pena ou ta kala e li lokaana kaye. 

“Ovakulunhu ova yooloka, amudali keshe ta hale okukala nokaana ka shona ke na omwedi umwe shaashi modula tai ya muJanuali ounona vetu ota va hangika ina wa nifa neemwedi mbali,” ta ti. 

Natalia Mathew weedula 20 okwa weda po ta ti otashi pula oshimaliwa shokulanda omashina eshi tava fiye po ounona vavo komaumbo shaashi okaana oka pumbwa okulya omashini omanga ina e li kofikola. 

“Ka shipu okumona okaana u li mofikola shaashi eshi otashi eta po ashike omukundu,” ta ti. 

Oukadona avo ova teelela okukala va putulumuna mwedi ou, noweda po tava ti ove li honga shihapu kutya mboli ka shipu komunafikola ngeenge e na eetelelo. 


2022-12-02  Festus Hamalwa

Share on social media