New Era Newspaper

New Era Epaper
Icon Collap
...
Home / Ekwatokoonkondo moNamibia ta li nyanyaleke

Ekwatokoonkondo moNamibia ta li nyanyaleke

2022-05-03  Victoria Kaapanda

Ekwatokoonkondo moNamibia ta li nyanyaleke

Iishuna yekwato koonkondo onkene tayi otayi tsikile Namibia alihe. Opolisi yaNjambia oya ningi esiku tayi lopota iipotha yaantu taya kwatwa koonkondo, nuunene aanona yaalumentu. Okwa lopotwa kutya olundji aanona mboka ohaya kwatwa kaapambele yawo nenge kaantu ye ya shi. MOmusati, oshwike opolisi oya manga po omulumentu gwomimvo 32 ngoka anuwa a kwata koonkondo omumw a y i n a k a n d h o n a gwomimvo 40 nokumu pa epunda.

Sha ikolela kuuyelele wa gandjwa komukuluntu gwopolisi moshitopolwa shaMusati Titus Shikongo, oshiningwanima shoka osha holoka momukunda Oukwandongo. Otaku hokololwa kutya, omukiintu ngoka ena uunkundi wopamandhilandhilo okwa li a kwatwa koonkondo okuza muJuli omvo gwayi sigo omwedhi nguka.

Nonando otaku hokololwa kutya oshingwanima shika okwa li sha lopotwa omvo gwayi, omulumentu ngoka opo a mangwa po oshiwike sha ziko. Opol isi moshitopolwa shaMusati oya manga po omulumentu gwomimvo 19 ngoka anuwa a li adhengagula nokukwata koonkondo okanonamati komimvo hetatu.

Otaku hokololwa kutya okanona hoka oka li taka litha iikombo sho ka ponokelwa komufekelwa ngoka. Opolisi oya ti okanona oka li ka ndhengwa nokumbandamekwa kaaka popye sha. Omufekelwa anuwa okwe ka ningile omatilitho kutya oteka dhipaga.

Os h i n i ngwanima osha holoka momukunda Okathitu B momudhingoloko Elim. Sho iihuna yiihulo niipotha yuulunde yomakwato koonkondo tayi kumitha tayi indjipala konooli, omukulupe gomimvo 60 moshitopolwa shaHangwena okwa mangwa po sho anuwa a yi miihulo nokamwanamati komimvo 11. Opolisi oya ti oshiningwanima shoka osha holoka momukunda Omushiyo.

Otaku hokololwa kutya omusamane ngoka anuwa okwa kala ha kwatwa okamwana koonkondo, no kwali kwa ndhindhilikwa kutya okwakala ta kwata okanona koonkondo iikando oyindji. Opolisi oya ti, omusamane ngoka okwa li a tameke oku ka kwata omonamati koonkundo okuza muJanuali nuumvo. Opol isi mo sh i topolwa shaHangwena natango otayi konaakona oshipotha shekwato koonkondo, moka okanona kokamati komimvo ndatu ka li ka yiwa nako miihulo kokamatyona kopuushiinda gwomimvo 18. Omufekelwa moshiningwanima shika ina mangwa po natango.

– vkaapanda@nepc.com.na


2022-05-03  Victoria Kaapanda

Share on social media