New Era Newspaper

New Era Epaper
Icon Collap
...
Home / Elongifo nai lomapangwe oli li mokalemo moHardap

Elongifo nai lomapangwe oli li mokalemo moHardap

2023-01-26  Festus Hamalwa

Elongifo nai lomapangwe oli li mokalemo moHardap

 Moshitukulwa shaHardap osho shimwe sha lopotwa shi na oibofa ihapu yovanhu va kwatwa nomapangwe neudo. 

Okudja petameko lomudo moshitukulwa omo omwa lopotwa oibofa ihetatu. 

O m u p o p i l i k o w o p o l i f i moshitukulwa shaHardap Inspector Linea Heita okwa hokolola ta ti epangwe ola hanya unene moshitukulwa shavo unene modoolopa yaMariental. Okwa ti ovanhu vamwe ohava kwatwa tava landifa omapangwe, vamwe ohava kala tava nwine omapangwe momaumbo omanga vamwe ohava kwatwa nomapangwe meetuwa davo. 

Omulumenhu weedula 36 okwa kwatwa po Etivali eshi vati a hangika nomapangwe moshikunino shaye koKalkrand efimbo lomutenya. 

Otaku hokololwa kutya omapangwe okwa monika pefimbo opolifi ya ninga omapekapeko oshikunino shaye. 

Omapangwe a kwatwa ko oku li pamaludi a yooloka ngaashi Cannabis noMandrax noku l i pongushu yoshimaliwa N$158 775-00. Oshiningwanima shikwao, omulumenhu weedula 37 okwa kwatwa po eshi naye a hangika nomapangwe oMandrax e li pongushu N$486 960-00 mondjila pokati koMariental noKalkrand. 

Heita okwa weda po ta ti ovanafikola vamwe navo ohava landifa omapangwe konima yeetundi eshi hava kala tava landifile komalukanda. 

“Ovanhu paife ohava kala tave lidipayafana konima ngeenge va nwa omapangwe shaashi epangwe ohali piyaaneke ouluvi womunhu opo a kale a kwatwa komhepo yokulonga oimbuluma,” Heita ta ti. 

Okwa ti opolifi moshitukulwa shavo oya kala nokuninga oikonga meefikola tai yandje ouyelele kombinga nghee sha nyika oshiponga ngeenge ovanafikola tava longifa omapangwe. 

Okwa kumaida ovadali opo va kale tava popi nounona vavo va xulife po okulongifa oingangamwifi. 

“Oshiwana nashi kale tashi lopotele opolifi ngeenge shi wete omunhu ta landifa omapangwe ile ta longifa omapangwe,” ta ti. 

fhamalwa@nepc.com.na 


2023-01-26  Festus Hamalwa

Share on social media