New Era Newspaper

New Era Epaper
Icon Collap
...
Home / Erongo kapi lina kara tupu asi sinka sepangero - Pohamba

Erongo kapi lina kara tupu asi sinka sepangero - Pohamba

2022-05-12  Festus Hamalwa

Erongo kapi lina kara tupu asi sinka sepangero - Pohamba

President gwanare Hifikepunye Pohamba kahundilire vahamenimo navenye merongo valikwate kumwe nepangero omu navagusapo maudigu gepangero kuhamena erongo lyetu. Pohamba katumbwire nonkango edi posiruwo sokurrukurura sure zaOshidute zelipakerero zikare nedina lyepe Hifikepunye Pohamba moutano kaupwire momukunda horowero gwaOhangwena. 

Age katente asi yousili kuna pumbwa mauwa nomagazaro asi ngapi paekonomi omu naturugana tukulike erongo mokuturamo magano noyiruganeso yoyinzi. ‘’ Ngomuhoko, tuna pumbwa vandokotora, vahakuli, vamitili, vadivi wounkurungu ntani navamwe ngoso wokulisiga siga valirongera Yuma oyo, yipo nye asi erongo lina pumbwa ekwatesoko lyanatuvenye vaNamibia yipo tuvatere epangero lyetu omu tuna kuvhura. Pohamba simpoe kahundilire muhoko asi gwahepa kulituramo nokudiva asi yinke navavhura kuruganako kerongo, yipo asi vanonagona nawo vahepa kukwama monompadi dawo. Ame vanatanterenge asi sure ezi kuna kara noprojeka zokukadika laboratory zosure, ezi vana kugazara asi nsene zina kapwa zina pumbwa erongero ntani yokuvhura kuruganesa mokuronga, nokompuyuta, yipundi nonombanga. Yipo asi ame kuna kuhundira vanangesefa womomukunda asi vahepa kulipakerera noministeli v agwane yiruganeso nanayinye yina pumbwa monkondwarongero ezi. Nage ogu kakere posilika sina nkuruministeragona Netumbo Nandi Ndaitwah, ogu ana kara asi patorona gosure ezi, sure mokukara asi kuna kurugana nawa zina pumbwa varongwa valironga nawa, varongwa ntani vakurona vahepa kuruganena kumwe, yipo vaninkise sure ezi zimoneke nawa. Nampili ngoso, vamitili valironga, kuna kuvandindira vagave erongo lyokusikiliramo, omu navagava eyi vadiva yipo sure novarongwa vazo vasikisemo eyi yina vatumbukire. Yimo ngoso ana kugwedako. 

Ministera gerongo Anna Nghipondoka katente asi nampili ngomu kuna maudigu gangesi, zina kumona ministeli zendi, epangero nalitwiikira kutura erongo peguru omu navatara asi vanona womoNamibia navenye vahepa kugwana erongo. Sure ngesi kuna kara novanona wokusika ko 401 omu muna hamene vamwe vaduni.  

fhamalwa@nepc.com.na


2022-05-12  Festus Hamalwa

Share on social media