Ongurova mEpako Oritjavari yokuwonga onÿuto yokuvatera omitanda okurimemena oviungura yaomborokere no N$500,000 Okuza motjiwa¿a otjini.
Otjiuru tjEhi Hage Geingoba ma tja otjivarero tjovehinaviungura, tji ri kombanda tjinene mokati komitanda. Otjiṋa hi matji yenene okutomba ohange nonḓikameno, mu nao Onamibia otji ri ri epaturuke kozonganda zouye wopendje zoviungura novirandisiwa okurwisa ondjuriro youhepe woviungura.
Ngunda omambo wa Geingoba aye hi ya haama poo aye hi ya handjauka mouparanga wehi arihe nandarire komatwi wOngooneya ya Maheke, Pijoo Nganate, tjandje eye norukondwa rwe ve ri kovipato okuza kOritjavari ngurova okuṋuṋunga kutja etemba rokumema nokunyomona oviungura mave rikumukisire pi nu tjiṋe?
Ndino ndi kombunda yombongarero yomayuva yetatu yokunongonona kutja oviungura morukondwa mave vi meme vi, ovo mave kutasana ku nOzimbambwe ndja eta oviṱo pekepeke okuza kehi ndo okutyasana nokuṋuṋunga pamwe nOvanambia moviṱo pekepeke kutja oviungura morukondwa mavi sesurwa vi.
Pamwe mbu mave ryanga mouparanga worukondwa aruhe okutara kutja ovature ve nyinganyinga vi mongorongova novo mave vatererwa nokutunduuzwa vi. Otjimbumba ihi otjOngooneya tja twarerwe kOzimbambwe katjisupi momautiro wombura ndji.
Ehi rokongotwe rotjitjitwa hi otja ku Nganate mu Keetute Oritjavari oko ngwi okutja orukondwa rwa Maheke orutjatatu mousyonasyona, mokuhinokuresa na wina mouhepe woviungura mehi arihe.
Mu nao Oritjavari ngurova oro otji rwa utire okutwa okuwoko ketemba, okuwonga onḓuto yokutwa na yo momaunguriro kangamwa ozondunge zomamemeno woviungura nḓu maze tambuka mombongarero yomayuva yetatu ndja utire Oritjatatu nu ndji mai yanda ndino.
Nganate ma tja ape ozoperesende 30 ngandu ko-40 zovature vorukondwa, tjinene kozombanda, kave noviungura. Ouzeu mbwi u tjita kutja ovo ve utuke kEpako, otjo tji tji ri otjihuro atjiyerike tjorukondwa, okuyekupaha oviungura ovo mu ve ku hangaukira moupereke. Okutja inga onge ri yemwe yomatokero worukondwa.
Ozongooneya pekepeke mu za kara nozongondjero pekepeke tjimuna omaunguriro womaihi nge ri nga mba wina imwe wopendje ovikunino ku ndino ndi ovaṱuta mba uta okukuna nandarire mouzeu womarokero wombura.
Omuhaamise wOtjirata tjOrukondwa, Ignatius Kariseba, wina Orata yOkarukondwa kOmatoororero ka Kalahari, wa hitisa ombepo mombongarero yotjirata tjorukondwa yombongarero yokupaha oviungura poo yokuhungirira kouhepe woviungura mokati komitanda. Ndji mai zikamisa ozondando zoviungura.
Kutja ohoromende poo kangamwa auhe me ekuvaza orukondwa mondjira. Otja tji ku za: “ku yeurwa ndji mai riroro”.