New Era Newspaper

New Era Epaper
Icon Collap
...
Home / Feliso yakutibela butuku bwa taku itisa tiululo

Feliso yakutibela butuku bwa taku itisa tiululo

2022-02-21  Albertina Nakale

Feliso yakutibela butuku bwa taku itisa tiululo

Kasamulaho alikweli zakutokwa kuziba hande ni butata bone batalimani nibona balimi, kalulo yakufelisa milalo kasamulaho akukona kutibela butuku bwa taku ni mulomo, bone buzuhile mwakweli ya Kandao 2021 mwasikiliti sa Zambezi, iamuhezwi kamazoho amabeli.

Kalulo yakukwala nebihilwe kuli nefile masholi balikomu kolo yaku uzwa likomu nikuyo lekisa mwanaha Zambia. 

Mapokola nebaize pulu yeleka N$7 000 mwanaha Namibia ikona kuyolekiswa hala N$12 000 ni N$15 000 mwanaha Zambia. Sikiliti sa Zambezi mwalilimo zefelile sitalimani ni butata bwakuzuha kwabutuku bwataku ni mulomo, sihulu mwalilalanda zamatakanyani zaKatima ni Kabbe. 

Balimi ni bona nebapalelwa kulekisa likomu zabona kasamulao kampani ya Meatco nekwalilwe swalelele.  

Yomuhulu mwalitaba zamipendo yalimunanu Albertina Shilongo naize taba yamafelelezo yabutuku bwataku ni mulomo nebihilwe la 4 Njimwana 2021 mwasikiliti sa Zambezi. 

Ili kutoloka kuli kutaha la 4 Yowa nese kungile likweli zetalu kusa swalwi butuku bwataku ni mulomo mwasikiliti. 

“Milao kaufela yene beilwe bakeñisa butuku bwa taku ni mulomo mwasikiliti sa Zambezi, iliuluzwi kapilipili. Kubata kusileleza kuzuha kwabutuku kwapili, mipendo ika zwelapili mwasikiliti mi balimi basusuezwa kuisa likomu zabona kwamupendo,” nekubulezi Shilongo.

Hana kupilwe kualabela falitaba zeo muyemeli wasilalanda sa Kabbe ya Mbowela John Likando, naize tiululo yamilao yene beilwe kutibela butuku bwataku ni milao ya amuhelwa. 

Kono naize libaka zamiseco mwalilalanda zamatakanyani zaKatima ni Kabbe likwaluzwi hainyani. 

“Libaka zamiseco lisaliteñi. Likwaluzwi hainyani, nisanzo yozwa kwateni. Kitaba yefa liseli kwabalimi. Kutoloka kuli ndu ya silaha ikakwalula. Ikaba tiululo kwabalimi hala kufukuza nombolo yalimunanu zabona. Mi hape ika fukuza likomu kusila isi kamulao kuyolekiswa mwanaha Zambia,” nekubulezi Likando. 

Siubuabui waliluko la njimo Jona Musheko naize tiululo yamilao kitaba yende kwabalimi, mi tekisano yalikomu ni zeñwi zezwa falikomu ika kala mwasikiliti ni kwanda sikiliti.


2022-02-21  Albertina Nakale

Share on social media