New Era Newspaper

New Era Epaper
Icon Collap
...
Home / Geingob: Namibia iswanela kumamela liswanelo zabanana

Geingob: Namibia iswanela kumamela liswanelo zabanana

2022-06-20  Staff Reporter

Geingob: Namibia iswanela kumamela liswanelo zabanana
Top of a Page

Mubihi waMutende

 

Mubusi Hage Geingob naize naha Namibia ika zwelapili kutusa ni kusebeleza hala Afirika mokuna ni buiketeo bwa banana. 

Mwamanzwi ahae akutabela lizazi la mwanana waAfirika, Mubusi Hage Geingob naize unumwaha lizazi la mwanana waAfirika lene litabezwi mwatasa mutomo otwi ‘Kufelisa Likezo Zeholofaza Banana: Kuzwelapata mwa Milao ni Likezo kuzwa 2013’, kiwabutokwa kakuli “ulufa pizo yakuli lufelise likezo zesituhu ze eziwa kwabanana, ili zeba paleliswa kuikola liswanelo zabona, sina moliñolezwi mwamutomopuso waAfirika ni mutotomopuso wanaha Namibia.”

Naha Namibia itabelanga lizazi la mwanana waAfirika la 16 Mbuwana silimo ni silimo. 

Libulukangwa kamwaha mwakupuzo yasitiraka sabaituti mwa Soweto, mwanaha South Africa la 16 Mbuwana 1976, teñi nebangile muhato wabundume kulwanela liswanelo zabona. 

Kanako yeo, baituti nebakile bacaula kulwanisa taba yatuto yambwashula yene bafumana, mi neba laela kuli balutiwe mwalipuo zabona. 

“Muuso wanaha Namibia uezize hande hala kutiiseza ni kuhulisa banana. Mwanana kaufela mwanaha Namibia uikola tuto yamahala. Muuso hape utisize taba yakuca lico kwalikolo, ili kalulo yetisa kuli banana babasina hande lico kwamandu bakene likolo. Lituso zefiwa kwalindiala ni banana babashebile nizona libapalile kalulotuna kutusa bashemi kubabalela banana. Kuhulisa banana kitaba yeswanela kulatelelwa kitutengo kaufela,” nekubulezi Geingob.

 Naize “kazazi, banana mwanaha Namibia batalimana ni likezo zesituhu kuzwelela kwabababaleli babona. Likezo zesituhu zakubitelela, kuuzwiwa, kuyumba limbututu, kusatokomela banana ni likezo zeñwi zemaswe ze eziwa kwabanana babasina mulatu. Likezo zesituhu zeo hakikuli liloba feela litukelo zabona, kono litisa kuli basike bahula hande nikuba ni bukamuso sakata. Sihulu, bana babasizana banyandiswa hahulu, kuhanela basizana bwanana bwabona ni kubahanela tukelo yakuba nibukamuso sakata. Lusebeze katundamo kupatalaza lifosi zalikezo zesituhu zeo, nikuli lizusiwe mwahala sicaba,” nahatelezi.


2022-06-20  Staff Reporter

Share on social media
Bottom of a page