New Era Newspaper

Icon Collap
...
Home / Geingob upotela lubasi lwa baNcindo

Geingob upotela lubasi lwa baNcindo

2021-05-03  Kuzeeko Tjitemisa

Geingob upotela lubasi lwa baNcindo
Top of a Page

Kuzeeko Tjitemisa

Mueteleli wanaha Hage Geingob naize muuso uka talima kupo yalubasi lwa baana babalalu bamushemi alimuñwi ni muhabo, bane bakunupilwe kimasole banaha Botswana kwamafelo añohola, kubona zeli mwapiho yasene siezahezi. 

Tommy yanana ni lilimo ze48, Martin yanana ni lilimo ze40 ni Wamunyima Ncindo yanana ni lilimo ze36, ni mwana alikezeheli zamushemi wabona Sinvula Munyeme yanana ni lilimo ze44, nebakunupilwe kimasole banaha Botswana mwakweli yaNjimwana kwamukulela wanuka ya Chobe. 

Mueteli wanaha kakuya kasibuabui wahae Alfredo Hengari, nabulezi zeo kanako yakuikopanya ni lubasi lwa baNchindo kwasioli saImpalila. 

Nasindeketilwe kimubusisi wasikiliti saZambezi Lawrence Sampofu, mulena wamasubi Kisco Liswani III, ngambela wanaha Saara Kuugongelwa-Amadhila, ni likwambuy wamabasi Albert Kawana. 

“Hala piho, yene bakupile balubasi lwa baNchindo kuli babata kuibona, mueteleli wanaha naba lemusize kuli sina mwana kile abulelela piho nefelile, mi muuso uka talima kupo yalubasi kuli babone piho,” Hengari nabulezi kuli mueteleli natalusize cwalo. 

Sibuabui walubasi Owen Sinvula naitumezi ku Geingob katuso yamuuso mwanako yetata yene batalimani niyona, kulatelela mafu amizwale ya baNchindo hamohocwalo ni ma’bona Alphosina Nkungano Mubu. 

“Lukupa muuso kukandekisana nimubuso wanaha Botswana kuli ukutiseze sesiñwi kwalubasi. Taba haili fapila khuta mwanaha Botswana, lukupa kuli balumelele limembala zalubasi kunoya kwamuzeko,” nekubulezi Sinvula. 

Zeo halili cwalo Geingob mwamukopano ni baeteleli basizo, sicaba nesikile sabilaela hala kutokwa zwelopili mwasioli, kungelela cwalo ni kutokwa sipatela sakata, ni nzila yenungahanya naha kaufela, hamoho cwalo ni kutokwa misebezi.  

Geingob ubulelwa kuli nasepisize sicaba kuli lipilaelo zabona lika talimwa. 

Sicaba hape sibihiwa kuli nesi kupile Geingob kukutela kwasioli pili asika siya ofesi ya bueteleli, ili sepiso yana file kusina kuhakanyeha. 

Malena babane Kisco Liswani III waMasubia, Boniface Shufu waMayeyi, Joseph Tembwe Mayuni waMashi ni George Mamili VII waMafwe, babihiwa kuli nebaliteñi, mi nebasepisize kuswalisana mwakutisa zwelopili.


2021-05-03  Kuzeeko Tjitemisa

Share on social media
Bottom of a page