New Era Newspaper

New Era Epaper
Icon Collap
...
Home / !Gomenǁgams ǀawemā!nans ge omn !gomsiba ǂgurose ra ǂâi-aiǂnûi

!Gomenǁgams ǀawemā!nans ge omn !gomsiba ǂgurose ra ǂâi-aiǂnûi

2021-02-02  Eveline de Klerk

!Gomenǁgams ǀawemā!nans ge omn !gomsiba ǂgurose ra ǂâi-aiǂnûi

!Gomenǁgams di !ā!khōmais ǀawemā!nans ge ra mî, ǁîn nē kurib !nās !aoma omn !nubusib mâsiba oe-ams, sâuǁkhāsib omkhâisens tsî ǂâuǀoa hâ !oabade mās hân ai ǂâisa nî ǂnûisa. 
ǂOa ge wekheb Denstaxtsēs di ǂguro ǂnûs nē kurib !nās !aromas ge ǀnais gere !ā!khōmais !nā-omgu !nâ dīhesa xu !auga ge ūhe hâ i tsî ǀhûhâsib ǁanin xas tsîna gere ǁhao!nâhe. 

!Gomenǁgams di !ā!khōmai-aob Trevino Forbes ge ǁ­îb gowaǀîs !nâ ge mî, ǁîn awemā!nans ǀoasa sîsenǁareba ǁaegub ǂhanuba nî māsa, în ǀhûǁarebese hâhâ nî oresa !Gomen­gams omn !nubusib !gomsiba hōba. 

!Gomenǁgams ge ǁkhawa ǀnî ǀaeǂhuwiba Twalolokas !nâ ge hō, ǁnāpadi 27 omde nēti ī ǂhuwib !nâ ge ǂkhôadīhese. 
ǀAeǂhuwib xōǀkhās ge nē !āsa ǁgamdâu!khudi xas tsîna ge tsâǀkhāhe hîa ǀnî omaridi nî doe-ūhe ǀnî !âga !oa !khaisa ge !aromasa. 
“Tita ra ǂâi o da ge hoada a ǂan, ǀunigase ge !gau hâ i !âb, ǂguro da ge Twaloloka ti ǂan ib, dib tsîn ge ǂhuwiǁgoesa. Hoa !gau ge hâ i ǂnaumâisa omdi ge ǂhuwiǂui tsî khoena ǀgūse ǁgoe ǂgā a hâ!khaimāhesa,” tib ge Forbesa ge mî. 

“Noxopan khoena ǂnaumâidi !nâ ra ǁans kōse da ge nēti ī ǂōǂōsib mâsiga nî !âubasen. ǁNā-amaga, da ge nēsi hoaraga ǀgaib tsî ū da hâ xūn hoana ǀhaoǀhao tsî ǂâisa mâti da hâhâ nî oresa omn !nubusiba nî hōbas !aroma nî sîsenū tsî nēs !nâ-ū da !aruǀî ǂnaumâisa omna ūhâ tidesa.” ǁîb ge ǁhao-aona ge mîba, ǀawemā!nans ǁkhās an hoana nî dīsa, khoen di khoesiba ǁkhawa oahā-ūsa ǁîna amabe omn !nâ hâ!khaimas ǀkha. 
Sida ge ra mîmâiba du, dīgu âda nî ǂhaitsi, ǂhanu-ai tsî ǁkhāti sī!nâ ǁoa da a mâmâide dīsa xu ǂgōsensa. 

ǂAn da ge a, khoen kaise tsauhâsa sîsenǂuihe tama mîmâidi xa tsîn khoena !ereamdi tsî orede ra ǂhâbasa, xawe da ge nēn hoan !nâ ǀhûhâsigu khoena ra ǂgan in !nū!nâxaba da tsî soasa mā da î da hoa !âǀhuru-aon ǀkha ǀhûǁare hâse gaxu ǁ­aeba nî sîsenǂui orede hā-ūba du,” tib ge ge mî.


2021-02-02  Eveline de Klerk

Share on social media