Omulumentu gomimvo 40 okwasi moshiponga sho hauto, sho ohauto kwali tahingi ya gu kopate nokugalangata iikando.

Sha ikwatelela kuuyelele wagandjwa kepeko lyopolisi, omulumentu ngoka alimo naafelwa yane, oye ashike a hulitha mo, omanga aafalelwa yeli monkalo ohwepo. Oshiningwanima osha holoka mopate yili po kati kOmuntele nOkatyali  momukunda Ongenga, potundi 18h00 yuusiku.

Otaku hokolowa kutya nakusa ngoka oye kwali ta hingi, okwali akanitha oonkondo okukondolola ohauto, no yali ya guko kopate, etayi tanaukako iikando oyindji.

Opolisi oyati, omulumentu ngoka opo a sile poshiponga mpoka, omanga aafalelwa yali ya falwa ya kamone uuhaku mbala.

Aakwanezimo ya nakusa oya tseyithilwa.

Opolisi otayi tsikile okukumagidha oshigwana shi hinge nuukeka, oshowo kaashi hinge shili kohi yomaluvu.

Ta yi ti, iiponga oya indjipala, onkene otayi kondololwa ashike ngele omuntu ye mwene ta kondolola okuhinga kwe.

Iipinga yiihauto oyalopotwa tayi holoka oshilogo ashihe, mwakwatelwa aantu mboka 16 ya si oshiwike sha ziko sho ya pile mokabesa, mondjila yoKahandja.

Caption: Gumwe a kanitha omwenyo moshiponga shohauto.

– vkaapanda@nepc.com.na