Uuministeli wuuhaku nonkalonawa otawu konaakona shoka sha etitha eso lyomunamimvo 62, ngoka anuwa a si esiku a tuntilwa owenda yokushonopaleka ompito yokukwatwa komukithi gwoCovid-19. Omulunentu ngoka anuwa okwa hulitha Omaandaha moshilandopangelo, Windhoek.

Sha ikolelela komushangwa gwa pitithwa komunambelewa omukuluntu muuministeli wuuhaku nonkalonawa Ben Nangombe, omulumentu ngoka okwa li a tuntilwa ongula yOmaandaha.

Ta ti, okwa li a ningilwa omapekaapeko agehe ga tulwa po konima a li a tuntilwa, ihe kakwa li a monika uupyakadhi washa.

Otaku hokololwa kutya sho a li a yi kegumbo okwa li a tseyithile aakwanezimo ye kutya ke uvite nawa. “Okwa li a falwa koshipangelo, hoka a li a mono uuhaku awuhe wa pumbiwa, nokwali a monika ombinzi ya londa unene. Natango okwa li a monika  omifudho dhi li pevi unene kaashi shi ngaashi dhi na okukala,” Nangombe ta ti ngaaka.

Ta ti, okwa li a ti po hwepo, nokonima uuvu owa ka tsikila wu uka komeho. Potundi 13h33 yomutenya okwa li a hulitha.

Nangombe okwa kumagidha oshigwna kaashi shololilwetho  okutuntilwa koshiningwanima shoka.