New Era Newspaper

Icon Collap
...
Home / Hapo mo mazeva wo ma toororero wo uhonapare wOvaherero mwarara onÿepe?

Hapo mo mazeva wo ma toororero wo uhonapare wOvaherero mwarara onÿepe?

2021-04-30  Kae Matundu-Tjiparuro

Hapo mo mazeva wo ma toororero wo uhonapare wOvaherero mwarara onÿepe?
Top of a Page

Otjomuise- Ondjerera, oukohoke noupaturuke wo ma toororero wovanane mOuhonapare wOvaherero wOmbazu kaeyno' muhunga komurungu wo ma toororero wo mbara ndji mai yarukire po omuyaruke Ombara Gottlieb Kahikopo wa Tjizingwe.

Omatoororero inga yari aya tandwa omayuva wo ma suviro inga, ndiri ndinondi na muhuka. Posia nai omatoororero inga yeri kehi yo ngeyakeyero mena romazeva wo ma toororero wouhonapare, owo otja kotjiwaøa nga putuka oupe nu ngehiya yakurwa iyotutu twawo tu twasere oku yeyakura rutenga kutja owo yerire oveta youhonapare.

Otutu tu twasere okuyakura oamzeva inga Otjirata tjOzombara, ndjiri o Chief Council, no Senata. Omazeva inga nai ngunda oura wouhonapare ouni posia yeomba pomuni po mbambara yepunda, noyo ya handjauka  mo tjiwaøa. Muviarwe ovingi muna kutja ovatoororero maveso kutja veritjangisa otjouøepo wouhonapare nu venoukarata wawo.

Posia tjiva motjiwaøa pendje nokutja omazeva inga mayemunika ayo yaputuka puyaputuka, venouzeu wokutja ngunda nai kaye yapitira momirari muyasere okuwondja, pendje nombara oini no vayandjandunge vayo. Posia Ombara Otjitambi yOuhonapare wOmbazu wOvaherero, Ohahende Vekuii Rukoro, mounÿengura mbu mau nyangatara morupanda, maimunu kutja oyo otjomutjevere wo tjiwaøa otjo tji tja koverwa iyovanavita peke peke, unousemba oku tji tjivera ko maumba ngu ma ye tji tengerere. Muwo mununa ouhazenÿu mbu ma uyenene oku kara mo ma toororero wo mbara ya Tjimbingwe mena rou kaiya wo mazeva  omatoororero inga ku ma yekaendera nu kayasere oku kaendera.

Posia tjiva motjiwaøa ma ve munu kutja omazeva inga kamakoheke porwe nungwari muwo mwarara onÿepe. 

Tjiva mavetira kutja omazeva nga tanderwa otjiwana otjini okuhina okutoorora omunane wao ngu ma vevanga noukutuke, oukohoke noupupurukwe posia okutwapo omunane nguri mondero yOmbara Otjitambi oini. 

Nngunda tjiva mo tjiwana amavetja ngunda ama kuzu omazeva woukohoke oukohoke imbwi ngawa ndino uriri tji ma petoororwa ombara ya Tjimbingwe posia wayende omayuva nondjarira ongaro mouhonapare imbwi. 


2021-04-30  Kae Matundu-Tjiparuro

Share on social media
Bottom of a page