New Era Newspaper

New Era Epaper
Icon Collap
...
Home / Hompa kahundilire vantu vendi vatungimo vaze vakagwane vendwa tintiko

Hompa kahundilire vantu vendi vatungimo vaze vakagwane vendwa tintiko

2021-10-07  Aron Mushaukwa

Hompa kahundilire vantu vendi vatungimo vaze vakagwane vendwa tintiko
Top of a Page

CHICHIMANI - Hompa goruidi rovaMafwe George Simasiku Mamili VII, kahundilire vatungimo momukunda gwaZambezi vaze vakagwane vendwa tintiko omu navalipopera vene rambangako vahali vawo. 

Mamili katente nonkango edi mosihuyungwa sendi kavaresere mokumukwateramo posilika gona sopa mpo so 22 Lusata Cultural Festival mosondaha. ‘’ Konyara nomvhura mbali dina pitipo, ose kapi tuna kara nosilika esi soLusata morwa mukisi ogu Covid-19. 

Makura ame yipo nakuhundira nye vantu vange muze mukagwane vendwa tintiko ezi nazimupopera kouvera ou una kumana vantu one hena simpe musikisemo eyi vana kututantera mokukwama uvera ou. Yimo ana kutanta Mamili.

‘’ Vndwa tiuntiko kuna kara simwe somulyo unene posiruwo esi, morwa tuna yimono apa nye guna nyanyene mukisi ogu pwarutatu.vendwa tintiko kuna kara nye simwe somulyo unene eyi nayitwaredera vantu vetu vatengure keparu lyeeli vakere nalyo. ‘’ Maparu gomanzi kuna gazumbanesa unene, movantu vetu mosirongo setu Namibia, momukunda ntani pantambo zosirongo vantu vetu kuna tusigi momunene…. Vantu vetu vamwe vatusiga kwakere asi eparu lyawo ngano twalikeverere’’. 

Nonkango dendi simpe kadikwatesereko esimbi limwe Lukopani Maemeko, ogu katamekere nosihuyungwa sendi mokugava ruguwo kwanakufa Hompa Kisco Maiba Liswani iii, namukadendi Grace , owo vatusiga morwa Covid-19 mokwedi kwaJuly mvhura zeezi, omu kavakere tavalimwenene karuwogona mokukatameka tupu sihuyungwa sendi.

‘’ Kapi yina kara ureru eyi, kovaMasubia vazumbanese Hompa ntani mukada hompa siruwo simwetu tupu; nampili ngoso Karunga natupa nonkondo nomukumo omu natu pa hena magano tupitemo momaudigu gangesi; yimo ana kutanta Maemeko.

age simpe katente asi Covid kuna retasapo maudigu gomanzi mosirongo, mokutumburako gamwe, ezumbaneso nomwenyo ntani yiwizamo yipo nye yina kara mulyo asi vantu twahepa kugwana magano peke mokuparuka ntani tureta mukaro ogu momuwa. Age simpe kahundilire vatungimo momukunda horowero gwaZambezi vaze vakagwana vendwa. 

Ose twaharugana eyi yina pilire kuwapa ntani tukare kapi tuna kusikisamo mukaro goukanguki wetu nowo vana kara kumwe nose. 

Ame yipo nye nina kuhundira asi twahepa kusikisamo noveta dokukandanapo uevra ou, kulikuhwa komawoko, kukakara ure namukweni kusesupika kukara pevango olyo lina kara vantu wovanzi. 

Yimo ana kutanta Ngambela. Maemeko simpe kahundilire vantu womomukunda gwendi asi twahepa kukara nompora, ntani asi twahepa kuparuka kumwe nomarudi peke.’’ 

Ose vantu vamwe tupu; ose natuvenye kwakara nosidimbwiliso simwe tupu satunda kokakuru. 

Kapi yina kutanta Yuma tulirwanese nyamwetu nayamwetu vamumbya novamumbya. Nsene kapi tuna kulipakerera , vantu woponze awo tavawizamo nye morwa kapi tunakulizuvhamakura hawe natuvenye tavatuzungururapo.

 Yimo ana kutanta ngoso.


2021-10-07  Aron Mushaukwa

Share on social media
Bottom of a page