New Era Newspaper

MTC Shares
Icon Collap
...
Home / Hompa Ndilimani kuna kulira Liswani III

Hompa Ndilimani kuna kulira Liswani III

2021-07-29  Victoria Kaapanda

Hompa Ndilimani kuna kulira Liswani III
Top of a Page

Munasipundi govahompa wokomuzongo gosirongo Ndilimani Herman Iipumbu katjangwilire Hompa ogu katusigire ndi asi kadogorokere Hompa Munitenge Kisco Liswani 111 asi age munausili mugaragara ntani mpitisili gadiva nayinye. Liswani kadogorokere moutatu una puko. Age kwapangera vaMazubia ure wonomvhura 30. 

President Hage Geingob moutatu wakapita kageve paveta nomfa dompitisili ogu gopampo. Muhoko gwetu ntani vaMasubia womuhoko gwendi vanazumbanesa mugara ogu gapura unene melipakerero lyovantu navenye asi vaNamibia, yimo ngoso ana kutanta Geingob montumwaraka zendi. 

‘’ Age kwapura mononkango edi asi Namibia sirongo simwe, nomuhoko gumwe’ makura age ngesi kuna sigi nye uvera wounene momuhoko govaMasubia ntani sirongo nasinye. Rudi rooro rovaMasubia simpe kuna kulira mugolikadi gwana kufa Hompa Liswani ogu nage kadogorokere. Grace Liswani ogu kadogorokere vmoune una piti. Hompa kwapangera Zambezi unene vaMasubia konyara nomvhura 30.  

‘’Ose kuna kuzumbanesa unene nompitisili detu. Sinkwa ntani tupu katuhorekere hompa kurona govaHerero Vekuii Rukoro. Udigu unene kuyitambura. Yimo ana kutanta hompa govaKwambi.

Ose kuna kumudiworoka unene kapi gakara nowoma ntani age kugava magano gana wapa, yimo ana kutanta Iipumbu, tuna zumbanesa mitili ntani ependa. 

‘’ Ame pwanyamwange nakere nompito zongwa mokukara muholi zendi gomunene, uholi watamekere kwanakufa Hompa ogu nalirongeramo yoyinzi Hompa Immanuel Kauluma Elifas’’ yimo ana kutanta ngoso IIpumbu. 

Age katente asi vaMasubia rambangako vaNamibia navenye tuna zumbanesa mpitisili ogu gakere asi kwahara mpora, ukumwe ntani ekuliko mosirongo nasinye. 

Iipumbu katente asi posiruwo saLiswani age kwakere gumwe ana lituramo asi vahepa kukara nelipakerero lyovahompa ndi asi marudi vatare asi yinke navaruganena vantu vawo eyi garugene moomu gavhulira. Nokugwedako asi hompa Liswani navamudiworoka eyi garuganena vantu womoZambezi. 

‘’Age kwakere muvateli ntani mugavi magano, unene kweyi yokuhamena egendeso lyopampo,’’ yimo ana kutanta Iipumbu. Age kageve mbudi zendi zoruguwo kekoro ntani korudi rovaMasubia. 

NBC kazigeve mbudi asi age kavamuvhumbikire kembo lyendi eli lyakara pokamukundagona Ibozu Lya Nsala moNgoma Katima Rural moune. 

– vkaapanda@nepc.com.na


2021-07-29  Victoria Kaapanda

Share on social media
Bottom of a page