New Era Newspaper

New Era Epaper
Icon Collap
...
Home / Iingangamithi yongushu N$700 000 ya kwata ko kopolosi

Iingangamithi yongushu N$700 000 ya kwata ko kopolosi

2021-12-16  Victoria Kaapanda

Iingangamithi yongushu N$700 000 ya kwata ko kopolosi

Iingangamithi yongushu N$700 000   ya kwata ko kopolosi momwedhi gumwe.

 Aantu yeli 84 oya mangwa po kopolisi sho yaadhika niingangamithi  inaayi pitikwa moshilongo, yongushu yi vule N$700 000.

Sha ikolela kuuyelele wagandjwa momushangwa gopolisi, aantu mboka ya mangwa po,  omwa kwatelwa aaNamibia oshowo yamwe yokiilongo yokondje.

Opolisi oya lopota kutya aantu yeli 67 aaNamibia, 12 aaZambia, yatatu aAngola, gumwe omuBrazil omanga gumwe omuBotswana.

Iingangamithi ayihe mbyoka oya lopotwa ya mangwa naantu momwedhi gwaNovemba aguke oshilongo ashihe.

Opolisi oyalopota iingangamithi ayihe kumwe  yina  ongushu yoshialiwaN$772 530, sho ya vihwa.

Tayi ti, iingangamithi ayihe ya kwatwa ko kopolisi ongaashi Cannabis ngoka ogo galopotwa ga kwatwa ogendji, gena ongushu N$41 339, Mandrax gongushu N$15 240, uusila woCocaine wongushu N$343 000 oshowo okeleke yongushu N$900. Tayiti,iingangamithi oyo hayi piyaganeke omandhilandilo omuntu opo oa kalonge iiningwanima inaayi uka.

Opolisi otayi kumagidha oshigwana shi hulithe po okulongitha iingaangamithi oshoka oyanika oshiponga.

“Kehe ngoka taka andhika niingangamithi otaka pewa egeelo lye lya gwana,” opolosi ya ti ngaaka.

Otaku fekelwa aakwiilongo oyo haya yakele iingangamithi yoshilongo, nonando oyeshi kutya inaga pitikwa moshilongo.

Aanona oyendji oya thigipo oosikola,
ya yi momapandaanda, omolwa iingagamithi taya longitha.

Aanyasha oya hanagulwa po kiingangamithi, neilongo kayena nalyo, oshoka oonkalamwenyo dhawo oyendhi tula miingangamithi.

Opolisi otayi kumagidha oshigwana shi kale aluhe tashi lopota mpoka nenge ngoka ta landitha iingangamithi.

Tayi ti, aantu mboka inaya pumwa okukala moshigwana otaya teyagula po aantu, oya pumbwa okukala moondjendhililo.

Vkaapanda@nepc.com.na 


2021-12-16  Victoria Kaapanda

Share on social media