Aantu yatatu oya si moshiponga shohauto sho oohauto ya li ya londo mudho dha li dhi idhenge mumwe nokugalangata sho dha gu ko kopate. Sha ikolela kepeko lyopolisi lyiiningwanima yomehuliloshiwike, aantu yatatu oya li ya si ethimbo olyo tuu ndyoka oshiponga sha holoka popepi nomukunda Omufituwanakashole, pokati kOmafo nOkalongo.

Otaku hokololwa kutya ohauto yoAudi A4 okwa li yi ipumu mohauto yoToyota, shoka kwa li sha eta iihauto ayihe iyali yi gwe ko kopate e tayi galangata ko nonando anuwa okwa li tayi ziilile kombinga yimwe.

Oonakusa oya tseyika nomadhina Pukale Pawanifwa Hainghumbi (37), Joseph Linekela Ndjuluwa (49) and Simson Nghituwashiwe Nadipite Kandove (27). Aantu ye li yane oya lopotwa ya si moshiponga shohauto mOshitopolwa shaShikoto.

Opolisi oya ti, ohauto yoToyotaD4D oya li tayi hingwa okuza kOmuthiya okuya kOndangwa sho ya li yi idhenge mumwe nohauto yiipundi iheyali omutse nomutse. Otaku hokololwa kutya aantu yamwe ya li miihauto moka okwa li ya ehamekwa omanga ye li yane ya li ya sile poshiponga.

Omukiintu gwomimvo 34 Hileni Latoka Mutumbo okwa yalulwa omutihetatu a si mehuliloshiwike sho a lyatwa kohauto miitopolwa yokonooli. Omukiintu ngoka okwa li a lyatelwa momukunda Oshaango pokati kEenhana nOshigambo moshitopolwa shaHangwena.