WALVISBAY - Independent Patriots for Change momukunda Erongo, nompitisili dawo kavatente asi kapi ngavapiulisira hena vakurupe ava vana kara asi kutunda tupu apa samanguruka sirongo yiwo velike vapangera nomvhura nadinye 30.
Mokukwama mwawo, aw okapi vanba kuyimona asi mokuwama ekonomi eli tuna kara nalyo, mosirongo, Namibia kuna hepa kugwana nompitisili donompe.
Mpitisili ogu gwaIPC kahuyungisire vahameni vawo, kumwe novanambudi moWalvisBay moutatu una puko, omu kahuyungisire vakwati nomfi omu vana kuparuka, nokugava asi ngapi omu zina kara mbunga zawo, monomukunda nadinye ntani vahepa kukwatesako mpitisili gwawo Panduleni Itula.
Apa kahuyungire kukwateramo nompitisili daErongo, mukurona pamberewa, Aloysius Kangulu, katente asi Itula kuna kuhara akapopere sirongo age gahana kugwana nzambi zongandi, nsene asi vamupa akare president gosiroingo, age ngagava nzambi zendi szikawapukurure nosure ntani yipangero ntani kuwapukurura eperu lyovantu wokulikarera.
Apa nye ngesi vantu vahepa kupako nye mpito nage Itula akare asi president gwaune moNamibia. Ose kapi tuna kuyikwatesako asi owo wonomvhura 70 simpe vakakare hena asi presidente awo kwakara kepangero kutunda tupu apa samanguruka sirongo.
Ose kuna kumuhundira asi mwahepa kutanta nawa nawa asi yinke ngomurugana muguse sirongo esi moudigu kapisi yokukagusa tupu nzambi zeni zonzi.’’ Yimo ana kutanta.
Kangula katente asi sirugana sosinene kuna kuna kara komeho, unene president ogo nakawizamo, mokutara epiro yirugana eyi yna zeruka ngesi, eguso moyirugana ntani ruhepo nye oru tuna kundindira narukadida unene mo 2023 morwa epwizumuko olyo natukakara nalyo.
Nombunga politika ngesi kuna kulitara momunene asi yilye nakakara president gosirongo ogu naka hamena momahoroworo mo 2024, ogu nakakwamako apa Hage Geingob nakatundamo.
Netumbo Nandi-Ndaitwa kuna kupoera evango lyendi, omu Prime Ministera Saara Kuugongelwa –Amadhila ntani ministera gounsitwe Pohamba Shifeta.
Ano hamutjanga ntoni Sophia Shaningwa kuna kukarumbasana naArmas Amukwiyu mukwatakanesi gombunga zaSWAPO moOshikoto pevango lyouhamutjangantoni.
Ministera gwanare Uahekua Herunga, silyo sombongarero zanavenye Lucia Witbooi, Evelin !Nawases Taeyele ntani mukwatakanesi gombunga SWAPO moKavango zoutokero David Hamutenya awo kuna kukondjera evango lyouhamutjangantonigona.