New Era Newspaper

New Era Epaper
Icon Collap
...
Home / Katengo kaECN kabata kuikemela

Katengo kaECN kabata kuikemela

2021-09-20  Maria Amakali

Katengo kaECN kabata kuikemela
Top of a Page

Katengo kakabona zaliketisa mwanaha Namibia (ECN) kakalile mungendenge okatisa kuli kaikemele kakutala. 

Muinasipula wakatengo yabato siya situlo Notemba Tjipueja, naize kuna ni tokwahalo yakukauhanya katengo kwaliofesi zebalwa zamuuso, maluko ni tutengo totuñwi. 

“Taba yacwale yepila kiya kuli tukuluho yakatengo kaECN yebeilwe mwamulao ozamaisa liketisa, hausika fiwa toloko sakata, ni hakutalimwa kamaiso yacwale ni silikani ni tutengo totuñwi,” nekutolokile Tjipueja mwasitatimende. Naize katengo kakalile musebezi wakubona kuli kafumana tukuluho hala kamaiso ni masheleñi mwamutomopuso wanaha ni mulao otalima liketisa.

Natiiselize kuli tukuluho yakatengo isike kutalimwa feela mwamubulelelo, kono iswanela kusebeza mwalikalulo kaufela zaECN. Kacwalo ECN ibatile tuso yakatengo kakabona zalitukuluho ni tuso yaliketisa mwalifasi, kueza patisiso yekatusa katengo kufumana tukuluho yetezi, inge kazwelapili ni silikani ni liofesi zeñwi zamuuso. Mukwa kamaiso yaliketisa ikona kuikemela kwanda kusundwa kiba lipolitiki ni liofesi zakwande, kitaba yabutokwa yezamaisa mihupulo yasicaba hala liketisa zelukile, nabulezi. 

“Mukwa wakuli ECN ikemele, ilukuluhile kwakusundwa kibalipolitiki ni bakwande, kiwabutokwa hala mo sicaba sitalimela liketisa zelukile, ili tabatuna yabutokwa hala tukuluho mwalikezo zakatengo,” nekutalusize Tjipueja.

Nzila feela muhupulo wo uka konahala, Tjipueja naize tutengo totu swanela twa muuso kungelela cwalo ni Mueteleli wanaha, autwisisa ni kulumelelana. 

Kwamakalo akweli ye Tjipueja naize sikwata sahae nesibile ni mukopano ni Mueteleli Hage Geingob. 

Mwamukopano wo, Tjipueja nafile kelezo kamo likezo zaECN likona kutiisezwa kutaleleza tukuluho yateñi. Mwamaikuto ahae mueteleli wanaha naize ECN haikoni kuikemela kakutala, bakeñisa misebezi yeñwi yefitana ni likezo zamuuso. 

Kono hakutoloki kuli muuso uka isilinga mwalikezo zaECN.


2021-09-20  Maria Amakali

Share on social media
Bottom of a page