New Era Newspaper

New Era Epaper
Icon Collap
...
Home / Konyara wokusika ko 37 000 yiwo vana kukahorowora momahoroworo gokukwateramo momukunda gwaSwakopmund

Konyara wokusika ko 37 000 yiwo vana kukahorowora momahoroworo gokukwateramo momukunda gwaSwakopmund

2022-07-28  Staff Reporter

Konyara wokusika ko 37 000 yiwo vana kukahorowora momahoroworo gokukwateramo momukunda gwaSwakopmund
Top of a Page

Linekela Halwoodi 

 

Mbunga zokugendesa maghoroworo moNamibia kavayinkondopekere asi vantu wokusika ko 37 175 yiwo vana kundindira vakahorowore momahoroworo aga gokukwateramo gakansela gomupe moSwakopmund momahoroworo gokukwateramo gana kukakarako mo 12 Siwogedi 2022. 

Ogu kahuyungire posiruwo sokugava nombudi, mauzera kuhamena erongo kovahorowoli, yimo ana kutanta muna mberewa Mberipura Kao ogu katente asi wokusika ko 1 894 vantu ava vanalitjangesa vakahorowore momahoroworo aga, konyara ukahe wowo kavalitjangesere kuna kara asi wokukahowora rokuhova morwa ntani vana kulitjangesa rokuhova.

 ‘’ ECN, katulirepo nye elikwamo lyangesi mokuronga vahorowoli moSwakopmund momahoroworo gokukwateramo eyi kwahorokere mo 16 Pembankuru paveta, ntani koyili yiviyauka yoyinzi yina kuhoroka momukunda ogu, kutunda tupu mezuva olyo, mokutura malikwamo gankenye evango, kuhanesa nombudi dokuronga vahorowoli, kugavera yimbapira yina kugava mauzera. Vantu wokusika ko 256 yiwo vana kukara melideuro eli omu navakagava marongo kovahorowoli mo,mukunda gwaSwakopmund. ECN katente asi vantu womosironmgo vahepa kulihamesera melikwamo eli lyoudemokoli morwa kuna kukarako ngendeseso zongwa zina kugava yitundwamo yoyinwa,’’ yimo ngoso ana kutanta. 

ECN simpe vana turapo ngendeseso zokuvatera ava vana kara mosipangero, vana kara mevango lyovaporosi lyokukwateramo, kuvatera vakurona ntani novantu vana kara asi kapi tavavhuru kusika kevango lyokuvhura kukahorowera lina kara pepi norukanda oku vatunga. 

Nampil yikare nye ngesi, ECN kapi vana tura nonkambadaro asi vantu ava rugana mefuta ngapi ngavahorowora, morwa kuna kara asi vahepa kupapara vene nompito asi ngapi navayasika pevango lyokuhorowera, ECN kapi ana kara peveta asi ngano avatere vantu vangoso.

 ‘’Hawe gusireningepo veta zina zere kuhamena kovarugani owo, mokuhamena ehoroworo eli tuna kukagwana ngesi. 

Yimo ana kutanta Kao. Ntani mokugwedako, ECN, kavatente asi woyikarata vayjanga asi ndango zodoropa kapisi nazo, kapi ngavavapulisira vaze vakahorowore, nye siruwo oso awo kuna kutarurura asi ngapi nayirugana yokulitjangesa mokutwikira. 

ECN simpe katente asi awo mokukwama mpanguro zonene, kwatanta asi nsene tavakaruganesa npomahina ntudi kukare yimbapira yina kugava u,mbangi nsene asi vana hara hena kuruganesa nomahina odo komeho oko; ano apa nye tuna kuhunga ngesi nomahina vana ditulire ntere, morwa ose ngesi kuna kuruganesa yimbapira eyi navakahorowesa. Evango eli lina kara ngesi muporongwa, kwawizapo siruwo oso kansela gwa IPC Ciske Howard-Smith kwamutjida mombunga politika zawo. 

Eyi yina kara asi awo kuna hara kutjindja veta asi nsene kansela vana mutjida ogu gakere gwauvali gahepa kugusa evango olyo, yipo asi melikwamo lyangoso kuna kusesupika ezumbaneso yimaliwa; nye nampili ngoso, wovanzi kavakerepo pepongo lyangesi, kapi kavatambwire egano lyangesi noureru, morwa veta zina kara zina zere, kapi zina kara noudigu pwangesi. Yimo ana kutanta Kao.


2022-07-28  Staff Reporter

Share on social media
Bottom of a page