Mo mbura ombe indji epu rimwe nai ndi ma ri hungirirwa oupapi nouparanga, tjeheri oro ariyerike nai mehi nda ingana, omaunguriro omangundi tjinene wo va hongwa vondondo indji oseinina.

Omaunguriro wo va hongwa imba tji ya tjivisirwe otjiveke tji tja zuko yaraisire kutja mo ndondi indji o 11 no 12 ozoperesende o 80 zo vanongwa mba tja nga omarorero po ndondo yo Hapo (Ordinary) no po ndondo yo Kombanda (Advanced), kana ava yenena ozongombe zo ku vevasisa ko ma hongero wo kombanda wo ko murungu no kuza okumana osikore. 

Ovahongwa evehe kumwe mbari mozosikore mbatjanga o 38,013 nu muwo ape 5000 uriri omba tuurunga ko ma hongero wo komurungu mo zo nganda zo ma hongero wo komurungu mehi. Pu ma pe hee kutja ape o 33,000 ombura indji nai varire ovo motupanda. 

Tjitjiri meyo tji tja kendisa okutja hapo omayovi no ma yovi inga nambano yeri mwani ombura indji? Omotupanda? Omoro rukuru nai omitanda mu vya takavara no kuhina omaundjiro poo ombwiro tjinga otja ko vi varero vyo 2021 omitanda mbihina oviungra mehi ayari ozo peresende o 40.44 zo vandu avehe ovehina viungura mehi. Mbiri omitanda vyo zombura 15-24. 

Pendje na nao otjikendise okoo kutja ngunda nai kapena ku tjiukwa kutja hapo ondepe mo ma unguriro omangundi inga yarara pi? Ohoromende oini aihe yehi mo upapi no paranga wayo? 

Orupa ro ma hongero otja tji ma ru hanika mo zondi zaro peke peke mu muna ovirihongwa ovine, zomitiri, ovahongwa, ovanene?

Tjeri otji¿a ngunda ayeri rukuru nai tji ma tjihepa ongondononeno ongoto nu ya katjotjiri. Posya apena oumune mbu ma utja ozongondonone no vi hungiriro opu vyakara peke peke okuza kongutukiro nu kape munika ondanaukiro kaparukaze. 

Owatjiri mbu hina oku paterwa pendje okoo kutja nandarire orupa ro ma hongero oruni rwaitavere kutja omahongero mo Namibia yeri moumba otja motjinyo tja ke mwe koukambe ouni, Edda Bohn, nguri Omukayendise wOviungura wOkehi mo Ministeri yOmahongero, Oviperendwa nOmbazu. Eye wari umwe wo va hungire Oritjavari mo TV yo NBC mOtjihungiriro jo Tjiwa¿a.