New Era Newspaper

Top Featured
Icon Collap
...
Home / Kukaba ni pula yende mwaliviki zetaha

Kukaba ni pula yende mwaliviki zetaha

2020-12-07  Nuusita Ashipala

Kukaba ni pula yende mwaliviki zetaha

WINDOKO – Balimi mwanaha bakona kukala kulima masimu abona, kakuli pula ye ñata itekezwi kunela mwaliviki zetaha. Kuzwa viki yefelile, pula yende ibihilwe mwalibaka zeñwi mutulo wanaha Namibia. Sina pula yapili hane amuhezwi mwakweli ya Yenda, kuitekezwi kuli Namibia ika amuhela pula yeñata mwaliviki zetaha, sihulu mwalibaka za mutulo ni mwahala’ naha, nekubulezi yabona za mayemo alihalimu Odile Kgobetsi. Khobetsi naize kubonahala kuli pula yende ika amuhelwa mwa mutulo ni mwahala’ naha mwakweli kaufela ya Ñulule. “Kubonahala kuli kuli pula ika zwelapili kunela mwalikiliti zeli mwahala naha, mutulo, mwalikiliti za Kavango ni Zambezi,” nekubulezi Kgobetsi. 

Mwanako yeswana ya litabula pula yelikani kuisa kuye ñata itekezwi mwalibaka zebulezwi. NBC nebihile kuli balimi kwamunzi wa Omakangha mwasikiliti sa Ohangwena base bakalile kulima masimu abona. Kutisa cwale pula iamuhezwi hape mwa Mbowela Upa, kono nesa neli hahulu. Kono baba bona za mayemo alihalimu batalusa kuli mayemo aka mbweshafala mwakweli ya Ñulule. Kgobetsi naize mwa Mbowela Upa, Mbowela Wiko, kungelela cwalo ni mwasikiliti sa Kunene kukaba ni pula yelikani kuisa kuye nyinyani. Naekelize kuli mayemo apula habonahali kunanuha mwalibaka za mbowela wanaha, kono hakutalusi kuli libaka zeo halina kufumana pula.


2020-12-07  Nuusita Ashipala

Tags: Khomas
Share on social media