New Era Newspaper

Icon Collap
...
Home / Kutala kwamasa iba mbuyoti kwabayahi

Kutala kwamasa iba mbuyoti kwabayahi

2021-05-10  Victoria Kaapanda

Kutala kwamasa iba mbuyoti kwabayahi
Top of a Page

Muunda kuzwelela mwanaha Angola utisa lisinyehelo kubabañwi mwamutulo wanaha Namibia, kono utisa cwalo litapi zeñata ili zeyo wela mwamabala amuunda aOshitutuma mwasikiliti sa Omusati. Kuyamba litapi kuzwelela mwamabala amuunda kufetuhile simbule salico nilipeleko kwasicaba sa silao. New Era hane ipotezi Oshitutuma, nekuna ni baana ni basali babafitelela mashumi amane bane basweli kuswala litapi. Ndui yomuñwi Mirjam Shanghala kuzwelela kwamunzii wa Okalumbi mabapa ni Oshitutuma, naize basebelisa tunyandi kuswala litapi, kono habakoni kusebelisa makuka bakeñisa mezi asali amañata.

“Luse lubile kwanu nako yetelele. Luezize minganda kwanu, nihaike lunga viki kwamabala ni viki kwalibaka zaluna,” nekubulezi Shanghala. Litapi zebaswala zalekiswa kapa liezwa bunsuso. Naize buñata bwa batu babali kwaminganda kwamukulo wamabala amuunda bazamaya misipili yemitelele, mi babañwi bazwa kwa Outapi, Okalongo ni minzi yeli bukaufi, kasepo yakuto swala litapi kuli bapilele fateñi. “Luzuhanga kamapakela kuyo nona, nipili lusika lobala kale. Haiba luswasa, lwa nona ni kukutiseza tunyandi mwamezi, kono lueza zeo kanako yeswana,” natolokile.

Shanghala natolokile kuli bayemanga kwamukwakwa kulekisa litapi. “Fokuñwi lwakona kufumana masheleñi alikana N$400 mwaviki, kuitingile kwabazamayi,” nabulezi. Niyena uezanga munganda kwamukulela wamabala amuunda silimo ni silimo hakutaha ni muunda. 

Yabeleka niyena Naapopye Immanuel, nabulelezi mutende wo kuli baeza cwalo kufepa mabasi abona nikuli baise banababona kwalikolo. Nabulezi hape kuli ukona kubuluka masheleñi amañwi afumana fakulekisa litapi. Mandui nebaize baitumela kutisa cwale kakuli hakuna manduna kapa babeleki bamuuso bababahanisize kuyamba litapi.


2021-05-10  Victoria Kaapanda

Share on social media
Bottom of a page